بورتىندا ٷش عارىشكەرٸ بار «شەنچجوۋ-12» باسقارىلاتىن عارىش كەمەسٸ بەيسەنبٸ كٷنٸ تاڭەرتەڭ قىتايدىڭ سولتٷستٸك-باتىسىنداعى گوبي شٶلٸندەگٸ «تسزيۋتسيۋان» عارىش ايلاعىنان ۇشىرىلدى. كەمەنٸڭ ۇشىرىلۋىنىڭ تٸكەلەي ترانسلياتسيياسىن قىتايدىڭ ورتالىق تەلەارناسى جاسادى, دەپ حابارلايدى "ۇلت اقپارات".
اپپاراتتى وربيتاعا شىعارۋ ٷشٸن CZ-2F تاسىمالداۋشى زىمىرانى قولدانىلدى. «شەنچجوۋ-12-نٸڭ» ۇشىرىلۋى بەس جىلدا العاشقى رەت ورىن الىپ وتىر. سوڭعى باسقارىلاتىن عارىش ميسسيياسى 2016 جىلى جٷزەگە اسىرىلعان.
«شەنچجوۋ-12» باسقارىلاتىن عارىش كەمەسٸ «تسزيۋتسيۋان» عارىش ايلاعىنان 17 ماۋسىم كٷنٸ جەرگٸلٸكتٸ ۋاقىت بويىنشا ساعات 09:22-دە ۇشىرىلدى.
ەكيپاج قۇرامىندا 56 جاستاعى نە حايشەن, 54 جاستاعى ليۋ بومين جەنە 45 جاستاعى تان حۋنبو بار. حايشەن بۇعان دەيٸن ەكٸ مەرتە عارىشقا ۇشسا, بومين عارىشتا بٸر رەت بولعان. حۋنبو العاش رەت عارىشقا كٶتەرٸلدٸ.
ولار اشىق عارىشقا ەكٸ رەت شىعىپ, ستانتسييا جۇمىسىن تەكسەرەدٸ جەنە روبوت مانيپۋلياتوردى سىناقتان ٶتكٸزەدٸ.
وربيتاعا شىققانان كەيٸن عارىش كەمەسٸ اۆتوماتتى تٷردە «تيانحە» عارىش ستانتسيياسىنىڭ نەگٸزگٸ مودۋلٸنە جاقىنداپ, ونىمەن تٷيٸسەدٸ. نەتيجەسٸندە وسى مودۋلمەن جەنە «تيانچجوۋ-2» جٷك كەمەسٸمەن وربيتالىق كەشەن قۇرادى. ودان كەيٸن «شەنچجوۋ-12» كەمەسٸنٸڭ بورتىنداعى عارىشكەرلەر نەگٸزگٸ مودۋلگە اۋىسىپ, وربيتادا ٷش اي مەرزٸمگە قالادى.
عارىش ايلاعىنا ارنالعان «تيانحە» بازالىق مودۋلٸ عارىشقا وسى جىلدىڭ سەۋٸرٸندە, «تيانچجوۋ-2» جٷك كەمەسٸ مامىرىندا جٸبەرٸلگەن.
