XXIV قىسقى وليمپيادا ويىندارىندا قىتاي قۇرامىندا سىنعا تٷسٸپ جاتقان كونكيشٸ قازاق قىزى اقنەر اداققىزى كٶپتەگەن باق-تىڭ نازارىن اۋدارۋدا, دەپ حابارلايدى قازاقپارات.
اقنەر اداققىزى 1999 جىلى شىڭجاڭ ٶلكەسٸ, حۋتۋبي اۋدانى, شيتيزي قازاق اۆتونومييالى ەلدٸ مەكەنٸندە تۋعان. اقنەر 5 جاسىنان باستاپ كونكي تەبەدٸ. وعان العاشقى كونكيٸن اعاسى سىيلاپتى. دەل وسى سىيلىق ونىڭ سپورتتىق ٶمٸرٸنٸڭ باستاماسىنا اينالادى. 10 جاسىندا سپورتقا دەگەن ەۋەستٸگٸنە كەسٸبي تٷردە قاراپ, جاتتىقتىرۋشىسىنىڭ باعىت-باعدارىمەن شۇعىلدانا باستايدى. كٷن سايىنعى تىنىمسىز ەڭبەك پەن تاباندى جاتتىعۋلار كٶپ ۇزاماي نەتيجەسٸن دە كٶرسەتەدٸ. اقنەر شىڭجاڭداعى جاسٶسپٸرٸمدەر اراسىنان ايرىقشا كٶزگە تٷسەدٸ.
قىتايدىڭ اقپارات قۇرالدارى اقنەردٸڭ سپورتتاعى ٶمٸرلٸك جولى تۋرالى جارىسا جازۋدا. ول 2012 جىلى ەكەسٸنٸڭ اۋىر سىرقاتىنا بايلانىستى جاتتىعۋدى توقتاتۋعا مەجبٷر بولىپتى. ەكەسٸنە قاراۋ ٷشٸن بٸراز ۋاقىت ٷيدە وتىرىپ قالادى. قىزىنىڭ قابٸلەتٸن بٸلەتٸن ەكەسٸنە بۇل وڭاي تيمەيدٸ. ول قايتىس بولار الدىندا: «ٶزٸڭ جاقسى كٶرەتٸن ٸسكە مىقتاپ دەن قويۋىڭ كەرەك جەنە بٸر نەرسەگە كٸرٸسسەڭ بارىڭدى سال. مەن سەنٸڭ ۇلتتىق قۇراما قاتارىنا قوسىلىپ, ٷزدٸك سپورتشى بولا الاتىنىڭا سەنەمٸن...» دەپ امانات ايتىپ كەتكەن.
اقنەر ەكەسٸنٸڭ بۇل سٶزدەرٸن ٶمٸرلٸك ۇستانىمىنا اينالدىرىپ, ٷمٸتٸن اقتاۋدى ماقسات تۇتادى. ۋاقىتى مەن كٷش-جٸگەرٸن سارپ ەتٸپ, 2014 جىلى شىڭجاڭ قىسقى ويىندارىندا قاتارىنان 5 رەت چەمپيون اتانادى. سٶيتٸپ, 15 جاسىندا رەسمي تٷردە شىڭجاڭ قۇراماسىنىڭ مٷشەلٸگٸنە ٶتٸپ, ۇلتتىق جارىسقا قاتىسۋ قۇقىعىنا يە بولادى. ال 2016 جىلى قىتايدىڭ ۇلتتىق قۇراماسىنا الىنادى.
2019 جىلى ۇلتتىق قۇرامانىڭ ساپىندا جٷرگەن اقنەر ەل ٸشٸندە جەنە شەتەلدە ٶتكەن الامانداردا قاتارىنان 2 التىن, 4 كٷمٸس جەنە 1 قولا مەدال جەڭٸپ الادى. بۇل كەزدە ول ەلٸ 20-عا دا تولماعان ەدٸ. ال بىلتىرعى ەلەم چەمپيوناتىندا اقنەر كونكيمەن جٷگٸرۋدەن كوماندالىق جارىسقا قاتىسىپ, قىتايدىڭ قورجىنىنا قولا مەدال سالادى.
5 اقپاندا بەيجٸڭدەگٸ قىسقى وليمپيادا ويىندارىندا ەيەلدەر اراسىنداعى 3000 مەترگە كونكيمەن جٷگٸرۋ جارىسىندا اقنەر 4:12.28 ۋاقىتىمەن 17-ورىنعا يە بولدى.
ويىننان كەيٸن بەرگەن سۇحباتىندا قازاق قىزى بۇدان دا جوعارى نەتيجەلەردەن ٷمٸتتٸ ەكەنٸن, ەلٸ دە شەبەرلٸگٸن شىڭداۋ ٷشٸن ايانباي ەڭبەك ەتەتٸنٸن جەتكٸزدٸ.
اقنەر ەندٸ 10 اقپان كٷنٸ ەيەلدەر اراسىنداعى 1500 جەنە 5000 مەترگە كونكيمەن جٷگٸرۋ جارىسىندا دا باق سىناماق.
ەسكە سالساق, بەيجٸڭدەگٸ XXIV قىسقى وليمپيادا ويىندارىندا قىتاي اتىنان ٷش قانداسىمىز قاتىسۋدا.
