قىتاي قازاقستانعا ستراتەگييالىق ەرٸپتەس رەتٸندە قارايدى. بۇل تۋرالى قر پرەزيدەنتٸنٸڭ باسپاسٶز حاتشىسى بەرٸك ۋەلي ايتتى, دەپ حابارلايدى "ۇلت اقپارات".
«جالپى, قىتاي جوعارى تەحنولوگييا ٶنٸمدەرٸن ٶندٸرۋ بويىنشا جاھاندىق دەڭگەيدە كٶشباسشى سانالادى. ونى مويىنداۋىمىز كەرەك. كەشەگٸ ساپارى بارىسىندا وعان ٶزٸمٸز دە كٶز جەتكٸزدٸك. ونىڭ ٷستٸنە ەلەمدەگٸ ەكونوميكاسى دامىعان ەكٸنشٸ ەل سانالادى. وسىنداي ەلەۋەتٸ مىقتى كٶرشٸمەن ارالاسپاي, شەكارانى جاۋىپ وتىرۋ مٷمكٸن دە ەمەس. مۇنى بارلىعىڭىز جاقسى بٸلەسٸزدەر. سول سەبەپتٸ مىنانى تٷسٸنۋٸمٸز كەرەك دەپ ويلايمىن, قىتاي بٸزگە ٶزٸنٸڭ يدەولوگييالىق ساياساتىن جٷرگٸزٸپ, تاڭىپ, قانداي دا بٸر باسقاشا قۇيتىرقى ويىن جاساپ وتىرعان جوق», - دەدٸ ول.
قر پرەزيدەنتٸ باسپاسٶز حاتشىسىنىڭ ايتۋىنشا, قايتا بٸز ولاردىڭ جاڭا تەحنولوگييالارىن كٷندەلٸكتٸ ٶمٸردە پايدالانۋعا, يننوۆاتسييالىق جاڭالىقتارىن ٶندٸرٸس ورىندارىنا ەنگٸزۋگە مٷددەلٸمٸز.
«سونىمەن قاتار پرەزيدەنتٸمٸز قاسىم-جومارت توقاەۆتىڭ تسيفرلىق ەكونوميكاعا كٶشۋ تاپسىرماسىنا سەيكەس قىتاي تەجٸريبەسٸنە سٷيەنۋ دە ماڭىزدى مٸندەت دەپ ەسەپتەيمٸز. قىتاي قازاقستاننىڭ جەرٸنە ەشقاشان دا كٶز الارتىپ قارامايدى. بٸزدٸڭ تەرريتورييالىق تۇتاستىعىمىزدى تولىق مويىنداپ وتىر. قازاقستانعا تەك ستراتەگييالىق ەرٸپتەس رەتٸندە قارايدى. ونىڭ نەگٸزگٸ ماقساتى - ساۋدا جاساۋ. ساۋدا ارقىلى پايدا تابۋ. ەلەمنٸڭ قاي تٷكپٸرٸندە جٷرمەسٸن, بۇل - ولاردىڭ باستى مۇراتى, ماقساتى», - دەدٸ بەرٸك ۋەلي.
سونداي-اق, بريفينگ بارىسىندا پرەزيدەنت كٶمەكشٸسٸ مۇرات نۇرتٸلەۋوۆ قاسىم-جومارت توقاەۆتىڭ قحر تٶراعاسى سي تسزينپيندٸ قازاقستانعا رەسمي ساپارمەن كەلۋگە شاقىرعانىن ايتتى.
«كەلٸسسٶزدەر بارىسىندا قاسىم-جومارت كەمەلۇلى قىتاي تٶراعاسىن قازاقستانعا رەسمي ساپارمەن شاقىردى. ونىڭ ناقتى مەرزٸمدەرٸن سىرتقى ٸستەر مينيسترلٸگٸ ديپلوماتييالىق ارنالارمەن پىسىقتايتىن بولادى. سونىمەن قاتار بٸرقاتار قىتاي كومپانيياسى قازاقستانعا ساپار شەگۋدٸ جوسپارلاپ وتىر. ولارمەن بٸز جاڭا باعىتتاردا جاقسى جۇمىس ٸستەۋگە سٶز بايلاستىق», - دەدٸ پرەزيدەنت كٶمەكشٸسٸ.
سونىمەن قاتار ول قازاقستان پرەزيدەنتٸنٸڭ قىتايعا ەكٸ كٷندٸك مەملەكەتتٸك ساپارى جەمٸستٸ ٶتكەندٸگٸن ايتتى.
«جالپى, بەيجٸڭدە, حانچجوۋدا بولعان باعدارلاما الدىن الا پرەزيدەنت ەكٸمشٸلٸگٸ, سىرتقى ٸستەر مينيسترلٸگٸ جەنە باسقا دا مەملەكەتتٸك ورگانداردىڭ قاتىسۋىمەن دايىندالعان تۇجىرىمدارعا تولىق سەيكەس بولدى دەپ ايتا الامىز. قوس مەملەكەت باسشىلارى جىلى جەنە دوستىق رايدا كەلٸسسٶزدەر جٷرگٸزدٸ. ونىڭ بارىسىندا ديپلوماتييالىق قاتىناستار ورناتىلعان 27 جىلدىڭ ٸشٸندە قازاقستان مەن قىتاي اراسىندا ەرتٷرلٸ سالادا قول جەتكٸزٸلگەن ەلەۋلٸ نەتيجەلەر جوعارى باعالاندى», - دەدٸ م.نۇرتٸلەۋوۆ.
