قازاقستانعا كەلگەنٸنە ٷش كٷن بولعان قىتايلىق دەرٸگەر-ساراپشىلار بٷگٸن كوروناۆيرۋسپەن كٷرەسٸپ جٷرگەن قازاقستاندىق دەرٸگەرلەر كٶمەكتەسۋدٸ كٶزدەيتٸن بٸرنەشە ماڭىزدى شاراعا قاتىستى, دەپ حابارلايدى "ۇلت اقپارات".
مەيماندار بٷگٸن ۇلتتىق عىلىمي كارديوحيرۋرگييا ورتالىعى مەن «Ramada Plaza» قوناق ٷيٸندە بولدى. ودان بٶلەك, ينتەنسيۆتٸ تەراپييا دەرٸگەرلەرٸنە ونلاين رەجيمدە ترەنينگ ٶتكٸزدٸ. ترەنينگتٸڭ نەگٸزگٸ تاقىرىبى – دەنە قىزۋى جوعارى ناۋقاستاردى تەكسەرۋ پروتسەدۋراسى, دياگنوزى ناقتىلانعان پاتسيەنتتٸ ينفەكتسيونيست لۋ سياوبو ۇسىنعان ەدٸسپەن ەمدەۋ, سونىمەن قاتار رەانيماتولوگ چجانگ داچۋاننىڭ جانساقتاۋ بٶلٸمٸندە جاتقان جاعدايى اۋىر ناۋقاستاردى ەمدەۋ تەسٸلٸ.
ترەنينگكە دەنساۋلىق ساقتاۋ سالاسىنداعى 483 مامان قاتىستى. دەرٸس اياقتالعان سوڭ قازاقستاندىق دەرٸگەرلەر كٶكەيدەگٸ سۇراقتارىن قويىپ, جاۋاپ الدى.
وسى كٷنٸ قىتايلىق دەرٸگەرلەر ۆيدەوكونفەرەنتسييا ارقىلى كوروناۆيرۋس ينفەكتسيياسىنا شالدىققانداردى ەمدەپ جٷرگەن قازاقستاندىق دەرٸگەرلەرگە ەكٸ ساعاتتىق سەمينار ٶتكٸزدٸ. وندا ماڭىزدى ەكٸ تاقىرىپ قارالدى: رەانيماتولوگ سيۋ ميننٸڭ ەدٸسٸمەن حالٸ ناشار ناۋقاستارعا دياگنوز قويۋ جەنە ەمدەۋ, سونداي-اق پۋلمونولوگ چجۋ يۋلۋن ۇسىنعان تەسٸل بويىنشا ناۋقاسقا كومپيۋتەرلٸك توموگرافييا ارقىلى دياگنوز قويۋ. سەمينارعا 333 دەرٸگەر قاتىستى.
كەشكٸسٸن قىتايدان كەلگەن ماماندار قازاقستاننىڭ ٶڭٸر-ٶڭٸرٸندەگٸ قوعامدىق دەنساۋلىق ساقتاۋ باسقارمالارىنىڭ قاتىسۋىمەن ونلاين كەزدەسۋ ٶتكٸزٸپ, COVID-19 ينفەكتسيياسىن تالقىلادى. ٸلە-قازاق اۆتونومدى وكرۋگٸ گۋبەرناتورىنىڭ ورىنباسارى ەرشات تۇرسىنباي مەن نەفرولوگ دەرٸگەر لۋ چەن ۇلتتىق جەنە مۋنيتسيپالدىق دەڭگەيدە كوروناۆيرۋستىڭ الدىن الۋ مەن باقىلاۋدا ۇستاۋدىڭ قىتايلىق مەحانيزمٸن تانىستىردى.
ايتا كەتەيٸك, مۇنداي ترەنينگتەر مەن سەمينارلار الداعى ۋاقىتتا كٷن سايىن ٶتكٸزٸلەدٸ. دەنساۋلىق ساقتاۋ مينيسترلٸگٸ كوروناۆيرۋسپەن كٷرەسٸپ جٷرگەن قازاقستاندىق دەرٸگەرلەردٸ وسى شارالارعا قاتىسىپ, تەجٸريبە الماسۋعا شاقىرادى.
