رەسپۋبليكا بويىنشا 2019 جىلدىڭ 18 قاڭتارىندا ساعات 9:00-دە وقۋدىڭ اقىلى بٶلٸمٸنە تٷسۋشٸلەر ٷشٸن ۇلتتىق بٸرىڭعاي تەستٸلەۋ باستالدى. 18-20 قاڭتار ارالىعىندا 35 838 تالاپكەر سىناققا قاتىسادى. ونىڭ ٸشٸندە 61-ٸ بٸلٸمٸن اعىلشىن تٸلٸندە سىنايدى. ۇبت-نى شەت تٸلٸندە تاپسىرۋشىلار سانىنىڭ ارتۋىنا «حالىقارالىق باعدارلامالار ورتالىعى» اق قىزىعۋشىلىق تانىتتى. وسىعان وراي, تەستٸلەنۋشٸلەرگە ىنتالاندىرۋ رەتٸندە جوعارى بالل جيناعان وقۋشىنى شەتەلدٸك جوو-عا گرانتقا تٷسٸرمەكشٸ.
قر بعم «حالىقارالىق باعدارلامالار ورتالىعى» اق باسشىسى جانبولات مەلدەشوۆ تەستٸ اعىلشىن تٸلٸندە ٷزدٸك تاپسىرعان تالاپكەرگە گرانت بٶلۋگە دايىن ەكەندٸگٸن ايتىپ, بٸرقاتار شەتەلدٸك سەرٸكتەس جوو-لاردى بەلگٸلەدٸ.
2019 جىلدان باستاپ قازاقستاندىق مەكتەپتەردٸڭ تٷلەكتەرٸ ۇبت-نى تٶرت رەت تاپسىرۋعا مٷمكٸندٸك الدى. بۇل باستامانىڭ ماقساتى - مەكتەپ بٸتٸرۋشٸلەرگە جوو-عا تٷسۋ مٷمكٸندٸگٸن ارتتىرۋ. وقۋشىلار ۇبت-نى قازاق, ورىس جەنە اعىلشىن تٸلدەرٸندە تاپسىرا الادى. بيىل 61 تالاپكەر تەستٸ اعىلشىن تٸلٸندە تاپسىرۋعا بەل بۋدى (سالىستىرمالى تٷردە: جازعى ۇبت – 2018 كەزٸندە, تەك, 25 وقۋشى اعىلشىن تٸلٸندە تاپسىردى).
«جالپى, شەتەلدٸك جوعارى وقۋ ورىندارىندا بٸلٸم الۋعا مٷمكٸندٸك ٶتە كٶپ. بيىل شەتەلدٸك جوو-لار بٸزدٸڭ ازاماتتارعا 40 000 گرانت بٶلۋگە دايىن. بۇل – ەر تالاپكەردٸڭ تەگٸن بٸلٸم الۋعا مٷمكٸندٸگٸ بار دەگەن سٶز. مەكتەپ تٷلەكتەرٸ ۇبت سەرتيفيكاتىمەن قازاقستاندىق جوو-لارعا عانا ەمەس, شەتەلدٸك وقۋ ورىندارىنا دا تٷسە الادى. مىسالى, تٷركييا جوعارى وقۋ ورىندارىنا بٸزدٸڭ سەرتيفيكاتىمىزبەن تٷسە الادى. ول ٷشٸن اعىلشىن جەنە تٷرٸك تٸلدەرٸن بٸلۋٸ كەرەك», - دەيدٸ ج. مەلدەشوۆ.
سوڭعى جىلدارى اعىلشىن تٸلٸندە بٸلٸم بەرۋ قارقىندى دامىپ كەلەدٸ. كەيبٸر قازاقستاندىق مەكتەپتەردە اعىلشىن تٸلٸندە پەندەر ەنگٸزٸلگەن. اعىلشىن تٸلٸندە تەست تاپسىرۋدىڭ باستى ماقساتى – شەتەلدٸك جوو-عا تٷسۋگە دەگەن نيەت. بۇل سۇراق بويىنشا تالاپكەرلەرگە «حالىقارالىق باعدارلامالار ورتالىعى» كٶمەكتەسۋگە دايىن.
