8 دينامو سپورتشىسى بەيجٸڭدەگٸ قىسقى وليمپيادادا ۇلتتىق قۇرامانىڭ نامىسىن قورعايدى. بۇل تۋرالى قر ٸشكٸ ٸستەر مينيسترلٸگٸنٸڭ باسپاسٶز قىزمەتٸ جارييالادى, دەپ حابارلايدى قازاقپارات.
«ٶتكەن اپتادا ۇلتتىق قۇراما XXIV قىسقى وليمپيادا ويىندارىنا قاتىسۋ ٷشٸن بەيجٸڭگە ۇشىپ كەتتٸ. قازاقستاندىقتار سپورتتىڭ 8 تٷرٸنەن 82 وليمپيادالىق ليتسەنزييا جەڭٸپ العان بولاتىن. ونىڭ ٸشٸندە بياتلون, شورت-ترەك, كونكيمەن جٷگٸرۋ جەنە تاۋ شاڭعىسى سپورتى, فريستايل-اكروباتيكا جەنە تاعى باسقا سپورت تٷرلەرٸ بار. ۇلتتىق وليمپيادالىق كوماندا قۇرامىنا كٸرگەن 32 سپورتشىنىڭ 28-ٸ - ديناموشىلار», - دەلٸنگەن مينيسترلٸك حابارلاماسىندا.
سونىمەن بٸرگە, تەۋەلسٸزدٸك جىلدارى قازاقستاندىق سپورتشىلار جەڭٸپ العان 72 وليمپيادالىق مەدالدىڭ 60-ى «دينامو» قوعامىنىڭ ٶكٸلدەرٸنە تيەسٸلٸ.
ايتا كەتۋ كەرەك, ۇلتتىق قۇراما كوماندالارىنىڭ 80%-دان استامىن دينامو سپورتشىلارى قۇرايدى. ولار ەرتٷرلٸ سپورت تٷرلەرٸ بويىنشا ٶنەر كٶرسەتەدٸ. سونداي-اق 44 وليمپيادالىق سپورت تٷرٸنٸڭ 36-سى «دينامودا» دايىندالادى.
«دينامو» دەنە شىنىقتىرۋ-سپورت قوعامى – قۇقىق قورعاۋ ورگاندارى قىزمەتكەرلەرٸنٸڭ دەنە شىنىقتىرۋ جەنە ارنايى دايارلىعىنا جەردەمدەسەتٸن ەلدەگٸ ەڭ كٶنە سپورت ۇيىمدارىنىڭ بٸرٸ.
توقسان مىڭنان استام قۇقىق قورعاۋ ورگاندارىنىڭ قىزمەتكەرٸ - وسى قوعامنىڭ مٷشەسٸ. ولار 15 اۋماقتىق فيليالداعى 445 دەنە شىنىقتىرۋ ۇجىمىنا بٸرٸكتٸرٸلگەن.
ودان بٶلەك, بۇل قوعام - بۇقارالىق سپورتتى, دەنە شىنىقتىرۋ-سپورت قوزعالىسىن, جاستاردى تەربيەلەۋ باعىتىندا قىزمەت اتقاراتىن بٸرەگەي سپورت ۇيىمى.
