قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆ جۇمىس ساپارىمەن الماتى قالاسىنا كەلدٸ. ول قالا ەكٸمٸ باقىتجان ساعىنتاەۆپەن بٸرگە الماتىنىڭ عىلىمي جەنە شىعارماشىلىق زييالى قاۋىم ٶكٸلدەرٸمەن كەزدەستٸ. كەزدەسۋدە مەملەكەت باسشىسى قاسىم-جومارت توقاەۆتىڭ بيىلعى «جاڭا جاعدايداعى قازاقستان: ٸس-قيمىل كەزەڭٸ» اتتى قازاقستان حالقىنا جولداۋىندا جارييا ەتٸلگەن باسىم مٸندەتتەر تالقىلاندى.
كەزدەسۋدٸ اشقان مەملەكەتتٸك حاتشى قازاقستان پرەزيدەنتٸنٸڭ بيىلعى جولداۋى پاندەمييا مەن جاھاندىق ەكونوميكالىق داعدارىس جاعدايىنداعى قازاقستاننىڭ جاڭا ەلەۋمەتتٸك-ەكونوميكالىق دامۋ باعىتى ەكەنٸن اتاپ ٶتتٸ. الداعى بارلىق ٶزگەرٸستەر مەملەكەتتٸڭ جۇمىس ٸستەۋ تيٸمدٸلٸگٸن ارتتىرۋعا, ٶزەكتٸ ەلەۋمەتتٸك-ەكونوميكالىق پروبلەمالاردى شەشۋگە باعىتتالعان.
قىرىمبەك كٶشەرباەۆ قازٸرگٸدەي كٷردەلٸ كەزەڭدە زييالى قاۋىم داعدارىستىق جاعدايلاردىڭ الدىن الۋدا, حالىقتىڭ جاڭا بٸرەگەيلٸگٸن قالىپتاستىرۋدا ٶزٸندٸك رٶل اتقارۋى تيٸس ەكەنٸن اتاپ ٶتتٸ.
بۇل رەتتە جاڭا كەزەڭنٸڭ سىن-قاتەرلەرٸن ەسكەرە وتىرىپ, بٸرٸنشٸ كەزەكتە, ۇلى ابايدىڭ باعا جەتپەس مۇراسىن قايتا زەردەلەپ, زييالى قاۋىمنىڭ ۇلتتىڭ جاڭا رۋحاني قاسيەتتەرٸن قالىپتاستىرۋداعى ميسسيياسىن تەرەڭ تٷسٸنۋ قاجەت.
تۇڭعىش پرەزيدەنت – ەلباسى نۇرسۇلتان نازارباەۆ ۇسىنعان "رۋحاني جاڭعىرۋ" باعدارلاماسىن ٸسكە اسىرۋدا ونىڭ مازمۇنىن بايىتىپ, سەرپٸن بەرۋ كەرەك. مىسالى, حالىق دەستٷرلەرٸ مەن ەدەت-عۇرىپتارىن ساقتاۋ جەنە قورعاۋ مەسەلەلەرٸن قۇقىقتىق رەتتەۋ بويىنشا عالىمدار مەن قوعام قايراتكەرلەرٸنەن تۇراتىن جۇمىس توبىن قۇرۋ قاجەت.
داعدارىس كەزٸندەگٸ جەنە بولاشاقتا ۇلتتىڭ دامۋىنىڭ نەگٸزٸ ەڭ الدىمەن وتباسى مەن وتباسىلىق تەربيە بولۋى كەرەك. ورتا مەكتەپتەردە وتباسىلىق قۇندىلىقتارعا باعدارلانعان ارنايى پەندەردٸ ەنگٸزۋدٸ قاراستىرۋدىڭ, جاستاردى وتباسىلىق تەربيەلەۋدٸڭ جالپىۇلتتىق ەدٸستەمەسٸن ەزٸرلەۋدٸڭ ۋاقىتى كەلدٸ.
اشىق پٸكٸر الماسۋ جاعدايىندا ٶتكەن كەزدەسۋدە بەلگٸلٸ مەدەنيەت جەنە عىلىم قايراتكەرلەرٸ ورازالى سەبدەن, سماعۇل ەلۋباي, مۇرات ەۋەزوۆ, تٶرەگەلدٸ شارمانوۆ, مۇرات جۇرىنوۆ, راحمان الشانوۆ, اسانەلٸ ەشٸموۆ جەنە باسقا دا ازاماتتار ۇلتتىڭ رۋحاني جاڭارۋى تۋرالى ٶز ۇسىنىستارىمەن بٶلٸستٸ.
