قىرعىزستاننىڭ بۇرىنعى پرەزيدەنتٸ سوورونباي جەەنبەكوۆ ەلٸنە ورالدى. بۇل اقپاراتتى 15 اقپان كٷنٸ ازاتتىق راديوسى قىرعىز قىزمەتٸنٸڭ دەرەككٶزدەرٸ راستادى.
اقپاننىڭ باسىندا ەلەۋمەتتٸك جەلٸدە جەەنبەكوۆ شەتەلگە "قاشىپ كەتتٸ" دەگەن قاۋەسەت تاراعان. 2 اقپان كٷنٸ جەەنبەكوۆتٸڭ باسپاسٶز حاتشىسى تولگوناي ستاماليەۆا ەكس-پرەزيدەنتتٸڭ ساۋد ارابييا كورولٸنٸڭ شاقىرۋىمەن مەككەگە قاجىلىققا كەتكەنٸن, 10 كٷننەن سوڭ ورالاتىنىن مەلٸمدەگەن.
سول كٷنٸ قىرعىزستان باس پروكۋراتۋراسى ۇلتتىق قاۋٸپسٸزدٸك جٶنٸندەگٸ مەملەكەتتٸك كوميتەت پەن ٸشكٸ ٸستەر مينيسترلٸگٸنەن سوورونباي جەەنبەكوۆتٸ 2020 جىلعى قازانداعى وقيعاعا بايلانىستى جاۋاپقا تارتۋدى سۇراعان. اشىق اقپاراتقا قاراعاندا, مۇنداي شاعىمدى "قىرعىز ٷمٸتٸ" قوزعالىسى تٷسٸرگەن. قوزعالىس جەەنبەكوۆتٸ پارلامەنت سايلاۋىنان كەيٸنگٸ ميتينگٸنٸ جانشۋعا تاپسىرىس بەردٸ دەپ ايىپتاپ, ەكس-پرەزيدەنت مەرتەبەسٸنەن ايىرۋدى تالاپ ەتكەن.
جەەنبەكوۆتٸڭ مەككەگە كەتكەنٸ بەلگٸلٸ بولعان سوڭ, "ەندٸ ول قىرعىزستانعا ورالمايدى دەگەن" تاعى بٸر قاۋەسەت تارادى. بٸراق بۇل قاۋەسەتتٸ تاراتۋشىلار ورالماۋ سەبەبٸ رەتٸندە "قىرعىز ٷمٸتٸ" قوزعالىسىنىڭ شاعىمىن ەمەس, بۇرىنعى ۆيتسە-پرەمەر دۋيشەنبەك زيلاليەۆتٸڭ ٸسٸن اتاعان.
قاڭتاردىڭ سوڭىندا جەەنبەكوۆتٸڭ زيلاليەۆ ٸسٸ بويىنشا كۋە رەتٸندە سوتقا شاقىرىلعانى مەلٸم بولدى. زيلاليەۆ 2018 جىلى جەلتوقساندا "زاڭسىز بايىدى" دەگەن كٷدٸكپەن ۇستالىپ, قۇزىرلى ورگاندار كٷدٸكتٸنٸڭ ٷيٸنەن جەنە بانك جەشٸگٸنەن اقشا تەركٸلەگەن.
زيلاليەۆتٸڭ ادۆوكاتى تالايگۋل توكتاكۋنوۆانىڭ ايتۋىنا قاراعاندا, تەرگەۋ كەزٸندە ەكس-ۆيتسە-پرەمەر تەركٸلەنگەن اقشانىڭ سوورونباي جەەنبەكوۆتٸڭ سايلاۋ ناۋقانىنا ارنالعانىن ايتقان.
پرەزيدەنتتٸككە 2017 جىلى كەلگەن سوورونباي جەەنبەكوۆ بىلتىر قازان ايىندا پارلامەنت سايلاۋىنان كەيٸنگٸ ساياسي داعدارىس سالدارىنان وتستاۆكاعا كەتكەن.
