31 مامىردا قىرعىزستان ۇلتتىق قاۋٸپسٸزدٸك مەملەكەتتٸك كوميتەتٸ (ۇقمك) بۇرىنعى پرەمەر-مينيستر ٶمٸربەك بابانوۆتىڭ ۇستالعانىن حابارلادى. كوميتەتتٸڭ باسپاسٶز قىزمەتٸنٸڭ مەلٸمەتٸنشە, ول "قۇمتٶر" التىن كەنٸشٸنە قاتىستى جوبانى جٷزەگە اسىرۋ كەزٸندەگٸ جەمقورلىق فاكتٸسٸ بويىنشا ۇستالعان.
ٸستٸڭ جاي-جاپسارى حابارلانبادى. كوميتەت "قۇمتٶر" جوباسىن جٷزەگە اسىرۋ كەزٸندەگٸ جەمقورلىق فاكتٸسٸ بويىنشا تەرگەۋ جالعاسىپ جاتقانىن, بابانوۆ تەرگەۋ كەزٸندە انىقتالعان دەلەلدەر نەگٸزٸندە ۇستالعانىن ايتادى.
17 مامىردا جوگوركۋ كەنەش وتىرىسىندا ۇقمك تٶراعاسى قامشىبەك تاشيەۆ "قۇمتٶرگە" بايلانىستى تٶرت قىلمىستىق ٸس تەرگەلٸپ جاتقانىن ايتقان. سٶزٸنشە, بٸر ٸستە بۇرىنعى پرەمەر مۋحاممەدكالىي ابىلگازيەۆ كٷدٸكتٸ. ول 2021 جىلى قاڭتاردا ۇستالعان.
تاشيەۆتٸڭ ايتۋىنشا, "قۇمتٶر" جوباسى بويىنشا ٸستەردە "كٶپتەگەن شەنەۋنٸك, مينيستر جەنە دەپۋتاتتار" كٷدٸكتٸ رەتٸندە تانىلعان, تاعى بٸر ەكس-پرەمەر تەمٸر ساريەۆ تە وسى ٸس بويىنشا تەرگەۋگە كۋەگەر رەتٸندە شاقىرىلعان.
"رەسپۋبليكا" پارتيياسىنىڭ قۇرۋشىسى جەنە ەكس-ليدەرٸ بابانوۆ 2011-2012 جىلدارى قىرعىزستان پرەمەرٸ بولعان. 2017 جىلى پرەزيدەنت سايلاۋىنا قاتىسىپ, ەكٸنشٸ ورىن العان. سايلاۋدان سوڭ ول ساياسي كارەراسىن اياقتايتىنىن ايتىپ, مەسكەۋگە كەتكەن ەدٸ. 2019 جىلى تامىزدا ول قىرعىزستانعا ورالعان.
بابانوۆ قىرعىزستانعا كەلگەن سوڭ ۇقمك مەن قارجى پوليتسيياسىنا بٸرنەشە رەت تەرگەۋگە شاقىرىلعان. 2020 جىلى 29 تامىزدا كەزەكتٸ تەرگەۋدەن كەيٸن ول ازاتتىقتىڭ قىرعىز قىزمەتٸنە "سەگٸز قىلمىستىق ٸس بويىنشا جاۋاپ بەرٸپ جاتقانىن" ايتقان. بيىل ناۋرىزدا ۇقمك بابانوۆقا قاتىستى قوزعالعان ٸس توقتاتقانىن, ول مەملەكەتكە قولداۋ رەتٸندە 100 ملن سوم اۋدارعانىن مەلٸمدەگەن.
