قىرعىزستاننىڭ ۇلتتىق قاۋٸپسٸزدٸك جٶنٸندەگٸ مەملەكەتتٸك كوميتەتٸ "قۇمتٶر" التىن كەنٸندەگٸ جەمقورلىققا قاتىستى قىلمىستىق ٸس اياسىندا بۇرىنعى بٸرٸنشٸ ۆيتسە-پرەمەر تايىربەك سارپاشەۆتٸ ۇستادى.
كوميتەتتٸڭ باسپاسٶز ورتالىعىنىڭ حابارلاۋىنشا, كٷدٸكتٸ "كانادالىق Centerra Gold Inc. كومپانيياسى مەن ەلدٸڭ جوعارى لاۋازىم يەلەرٸ بايلانىس ورناتىپ, "قۇمتٶر" كەنٸشٸندەگٸ مۇزدىقتاردىڭ قاۋٸپسٸزدٸگٸنە نۇقسان كەلتٸرە وتىرىپ, كانادالىق كومپانييا مٷددەسٸ ٷشٸن قىلمىستىق ەرەكەتكە بارعان".
ارنايى قىزمەت مەلٸمەتٸنە قاراعاندا, "قىرعىز ٷكٸمەتٸندە جاۋاپتى قىزمەت اتقارعان تايىربەك سارپاشەۆ Centerra Gold Inc. كومپانيياسىنىڭ مٷددەسٸ ٷشٸن "مۇزدىقتار تۋرالى" زاڭ جوباسىنىڭ قابىلدانۋىنا كەدەرگٸ جاساعان". "بۇعان قوسا, ول "قۇمتٶر گولد كومپانيگە" "قۇمتٶر" كەنٸندەگٸ مۇزدىقتاردى پايدالانۋعا مٷمكٸندٸك بەرەتٸن سۋ كودەكسٸنە تولىقتىرۋ ەنگٸزٸپ, ونى پارلامەنتكە ۇسىنعان, سول ارقىلى لىسىي جەنە داۆىدوۆ مۇزدىقتارىنىڭ بۇزىلۋىنا جول بەرگەن" دەپ حابارلادى مەملەكەتتٸك كوميتەت.
ارنايى قىزمەت بۇرىنعى شەنەۋنٸكتٸ 17 ماۋسىمدا ۇستادى. سارپاشەۆ جەمقورلىق جاسادى دەگەن كٷدٸككە ٸلٸكتٸ. ونى تەرگەۋ كەزٸندە قاماۋدا ۇستاۋ-ۇستاماۋ مەسەلەسٸن بٸشكەكتٸڭ 1-ماي اۋداندىق سوتى قارايدى.
مۇنىڭ الدىندا "قۇمتٶر" ٸسٸ اياسىندا بٸرنەشە بۇرىنعى شەنەۋنٸك, قازٸرگٸ جەنە بۇرىنعى دەپۋتاتتار ۇستالعان. ارنايى قىزمەت تەرگەۋگە شاقىرعان بٸرنەشە ادامدى بوستاندىققا جٸبەرگەن.
ەۋەلٸ بۇرىنعى پرەمەر-مينيستر ٶمٸربەك بابانوۆ ۇستالدى, ودان سوڭ جوگوركۋ كەنەشتٸڭ قازٸرگٸ دەپۋتاتتارى اسىلبەك جەەنبەكوۆ پەن توروباي زۋلپۋكاروۆ, سونىمەن بٸرگە ەكس-دەپۋتاتتار يسحاك پيرماتوۆ, تالانتبەك ۋزاكباەۆ جەنە المازبەك بااتىربەكوۆ قاماۋعا الىندى. بۇعان قوسا, پرەزيدەنت اپپاراتىنىڭ بۇرىنعى باسشىسى دانييار نارىمباەۆ ۇستالدى, ال جوگوركۋ كەنەشتٸڭ ٷكٸمەتتەگٸ بۇرىنعى قۇزىرەتتٸ ٶكٸلٸ دينارا مولدوشەۆا ەشقايدا كەتپەۋ تۋرالى قولحاتپەن بوساتىلدى.
كەيٸن تالانتبەك ۋزاكباەۆ پەن المازبەك بااتىربەكوۆ 31 شٸلدەگە دەيٸن ٷيقاماققا اۋىستىرىلدى.
قىلمىستىق ٸس اياسىندا بۇرىنعى پرەمەر-مينيسترلەر تەمير ساريەۆ پەن يگور چۋدينوۆ, ەكس-دەپۋتات ماكسات سابيروۆ جەنە دەپۋتات رىسكەلدي مومبەكوۆ تەرگەلدٸ. ولار تەرگەۋ قۇپيياسىن بۇزباۋ ماقساتىندا قانداي ساۋالدار قويىلعانىن ايتپادى.
