بٷگٸن بٸشكەكتەگٸ «الا-توو» الاڭىندا «ماناس» ەپوسىن ايتۋ ۇزاقتىعى بويىنشا رەكورد ورناتىلدى, دەپ حابارلايدى كابار اگەنتتٸگٸ.
جىرشى دوولوت سىدىقوۆ 14 ساعات, 27 مينۋت بويى «ماناس» ەپوسىن توقتاۋسىز جىرلاعان. ول ەپوستى 12 قاراشا كٷنٸ, جەرگٸلٸكتٸ ۋاقىتپەن ساعات 09:43-تە وقىپ باستاپ, 13 قاراشا كٷنٸ تٷنگٸ ساعات 00:17-دە اياقتادى.
ايتا كەتەيٸك, گيننەستٸڭ رەكوردتار كٸتابىنا كٸرۋ ٶتٸنٸمٸ 12-ساعاتتىق توقتاۋسىز ايتقانى ٷشٸن بەرٸلگەن ەدٸ.
قىرعىزدىڭ «ماناس» ەپوسى يۋنەسكو-نىڭ ادامزاتتىڭ ماتەريالدىق ەمەس مۇراسىنىڭ جاۋھارلارى تٸزٸمٸنە ەنگٸزٸلگەن. بۇل شەشٸم يۋنەسكو ٷكٸمەتارالىق كوميتەتٸنٸڭ سەگٸزٸنشٸ وتىرىسىنىڭ بارىسىندا قابىلدانعان. ول گيننەستٸڭ رەكوردتار كٸتابىنا ەلەمدەگٸ ەڭ ۇزاق ەپوس رەتٸندە كٸرٸپ وتىر.
