Búgin Bishkektegi «Ala-Too» alańynda «Manas» eposyn aitý uzaqtyǵy boiynsha rekord ornatyldy, dep habarlaidy Kabar agenttigi.
Jyrshy Doolot Sydyqov 14 saǵat, 27 minýt boiy «Manas» eposyn toqtaýsyz jyrlaǵan. Ol eposty 12 qarasha kúni, jergilikti ýaqytpen saǵat 09:43-te oqyp bastap, 13 qarasha kúni túngi saǵat 00:17-de aiaqtady.
Aita keteiik, Ginnestiń rekordtar kitabyna kirý ótinimi 12-saǵattyq toqtaýsyz aitqany úshin berilgen edi.
Qyrǵyzdyń «Manas» eposy IýNESKO-nyń adamzattyń materialdyq emes murasynyń jaýharlary tizimine engizilgen. Bul sheshim IýNESKO úkimetaralyq komitetiniń segizinshi otyrysynyń barysynda qabyldanǵan. Ol Ginnestiń rekordtar kitabyna álemdegi eń uzaq epos retinde kirip otyr.
