سوڭعى كٷندەرٸ قىرعىزستان ەلٸندە كوروناۆيرۋس ينفەكتسيياسىنا قاتىستى جاعداي كٷرت ناشارلادى.
بۇعان دەيٸن بولجامدالعانداي, ماۋسىم بىلتىرعى جىلعىداي ەل ٷشٸن كٷردەلٸ سىناققا اينالۋى مٷمكٸن. ستاتيستيكا بويىنشا, كٷن سايىن اۋرۋعا شالدىعۋدىڭ جاڭا وقيعالارىنىڭ سانى تەك ٶسٸپ كەلەدٸ (كٷنٸنە 1000 وقيعاعا جاقىنداپ كەلەدٸ). ۆاكتسينالاۋ جٷرگٸزٸلگەنٸمەن, پرەپاراتتار ەزٸرگە بەرٸنە بٸردەي جەتٸپ جاتقان جوق. بۇل تۋرالى "ۇلت اقپارات" قىرعىزستاننىڭ كابار اقپارات اگەنتتٸگٸنە سٸلتەمە جاساپ حابارلايدى.
وسىعان بايلانىستى, جاقىندا ەل بيلٸگٸ قىرعىزستاندا كوروناۆيرۋستىڭ ٷشٸنشگٸ تولقىنى باستالىپ كەتكەنٸن مەلٸمدەدٸ. تٷرلٸ قاۋٸپسٸزدٸك شارالارى كٷشەيتٸلٸپ, بيلٸك حالىقتى دەنساۋلىعىنا مۇقييات قاراۋعا, قوعامدىق ورىنداردا ماسكا تاعۋعا, قولدى جيٸ جۋىپ تۇرۋعا ٷندەپ وتىر.
بٸشكەكتە بۇدان دا قاتاڭ شارالار ەنگٸزۋ جوسپارلانۋدا. وسىلايشا, 17 ماۋسىمنان باستاپ ەل استاناسىندا كٶڭٸل كٶتەرۋ مەكەمەلەرٸنٸڭ جۇمىسىنا قاتىسى بار بٸرقاتار شەكتەۋلەر ەنگٸزٸلەتٸن بولادى.
«كوروناۆيرۋس ينفەكتسيياسىنا شالدىعۋ وقيعالارىنىڭ كٷن سايىن ٶسٸمٸنە بايلانىستى 2021 جىلدىڭ 17 ماۋسىمىنان باستاپ ويىن-سايىق مەكەمەلەرٸ (تٷنگٸ كلۋبتار, مەيرامحانالار, قوعامدىق تاماقتانۋ ورىندارى, دەمحانا, كاراوكە, بارلار), سونىڭ ٸشٸندە ساۋدا, ويىن-ساۋىق ورتالىقتارىندا ورنالاسقان كٶڭٸل كٶتەرۋ ورىندارىنىڭ جۇمىس كەستەسٸنە شەكتەۋ ەنگٸزۋ شەشٸمٸ قابىلدانعان. ەندٸ اتالعان ورىندار تٷنگٸ ساعات 23:00-دەن باستاپ تاڭعى ساعات 7:00-گە دەيٸن جۇمىس ٸستەيتٸن بولادى», - دەلٸنگەن بٸشكەك مەريياسىنىڭ مەلٸمدەمەسٸندە.
ەكٸمشٸلٸڭتەن اتاپ ٶتكەندەي, بۇل شەشٸم ەلەۋمەتتٸك بلوك جٶنٸندەگٸ ۆيتسە-مەر ۆيكتورييا موزگاچەۆانىڭ تٶراعالىعىمەن ٶتكەن قالالىق تٶتەنشە ەپيدەميياعا جەنە ەپيزووتيياعا قارسى كوميسسييانىڭ وتىرىسى بارىسىندا قابىلدانعان.
«كوميسسييا مٷشەلەرٸ بٸشكەك قالاسىنداعى ەپيدەميولوگييالىق جاعداي مەن كوروناۆيرۋس ينفەكتسيياسىنىڭ ودان ارى تارالۋىن بولدىرماۋ بويىنشا قابىلدانىپ وتىرعان شارالاردى تالقىعا سالعان. ونىڭ قورىتىندىسى بويىشا شەكتەۋ ەنگٸزۋ تۋرالى تيٸستٸ شەشٸم قابىلداندى», - دەپ اتاپ ٶتتٸ قالالىق مەرييادان.
بۇدان بٶلەك, قوعامدىق كٶلٸك ٸشٸندە سانيتارلىق نورمالاردىڭ ساقتالۋىن قاداعالاۋ بويىنشا رەيدتەر جٷرگٸزٸلەدٸ. بٸشكەك ۆيتسە-مەرٸ ەل استاناسىنداعى ايالدامالار مەن قوعامدىق كٶلٸكتەردە ماسكالاردى تەگٸن تاراتۋ مەسەلەسٸ قاراستىرىلىپ جاتقانىن اتاپ ٶتتٸ.
