قىرعىزستاندا كونستيتۋتسييا كەڭەسٸنٸڭ مٷشەسٸ ساديردين توراليەۆ كەڭەستٸڭ 26 قاراشا كٷنگٸ وتىرىسىندا كونستيتۋتسييادان ورىس تٸلٸ - رەسمي تٸل دەگەن نورمانى الىپ تاستاۋدى ۇسىندى. بۇل اقپاراتتى ازاتتىقتىڭ قىرعىز قىزمەتٸ حابارلادى.
"نەعۇرلىم كٶپ تٸل بٸلگەن سايىن, سوعۇرلىم جاقسى عوي. ورىس تٸلٸ ارقىلى كٶپ نەرسەگە قول جەتكٸزدٸك. بٸراق بٸز بٶلەك زاڭ قابىلداپ, شەت تٸلدەرٸن دامىتۋىمىز كەرەك. ال كونستيتۋتسييادا تەك قىرعىز تٸلٸنٸڭ ستاتۋسى عانا جازىلۋى تيٸس" دەدٸ توراليەۆ. ونىڭ سٶزٸنە قاراعاندا, ەگەر قاجەتتٸلٸك بولماسا, ازاماتتار انا تٸلٸن ٷيرەنبەيدٸ.
"ورىس تٸلٸنە ەبدەن ٷيرەنٸپ قالدىق, ونىڭ جانىندا بايلانعان يت سيياقتى وتىرمىز. بۇلاي بولماۋى تيٸس. تٸلٸمٸزدٸ جوعالتىپ الۋىمىز مٷمكٸن. ادام تابيعاتى سونداي: ەگەر ونى مەجبٷرلەمەسەڭ, ەشتەڭە ٷيرەنبەيدٸ" دەدٸ توراليەۆ. اكيپرەسس اگەنتتٸگٸ ونىڭ سٶزٸنەن ٷزٸندٸ كەلتٸرگەن. ٶزگە قاتىسۋشىلاردىڭ نە ايتقانى بەلگٸسٸز.
قىرعىزستان كونستيتۋتسيياسى بويىنشا ورىس تٸلٸ رەسمي ستاتۋسقا يە. 2019 جىلى كونستيتۋتسييالىق رەفورما جٷرگٸزۋدٸ ۇسىنعان ساياسي كٷشتەر بٸرلەستٸگٸ ورىس تٸلٸنٸڭ رەسمي مەرتەبەسٸن الىپ تاستاۋدى ۇسىنعان ەدٸ.
2020 جىلى قازان ايىندا رەسەيدٸڭ قىرعىزستانداعى ەلشٸسٸمەن كەزدەسۋ كەزٸندە سول كەزدە پرەزيدەنت مٸندەتٸن اتقارۋشى پرەمەر-مينيستر ساپار جاپاروۆ "مەسەلە كٷن تەرتٸبٸندە تۇرعان جوق" دەگەن بولاتىن.
ەلدە جاڭا كونستيتۋتسييا جوباسى قوعام تالقىلاۋىنا 17 قاراشادا شىعارىلعان. قۇجات پرەزيدەنتتٸڭ ٶكٸلەتٸ مەن رٶلٸن ايتارلىقتاي ارتتىرادى. ەگەر تٷزەتۋلەر ماقۇلدانسا, قىرعىزستان ٸس جٷزٸندە قازٸرگٸدەي پارلامەنتتٸك ەمەس - پرەزيدەنت باسقارۋىنداعى رەسپۋبليكاعا اينالادى. بۇعان قوسا, قۇجات اۆتورلارى حالىق قۇرىلتايى اتتى كونسۋلتاتيۆتٸك, ٷيلەستٸرۋشٸ جاڭا ورگان قۇرۋدى ۇسىنىپ وتىر.
بۇرىن سوۆەت وداعى قۇرامىندا بولعان ورتالىق ازييا ەلدەرٸندە, ونىڭ ٸشٸندە قازاقستاندا دا ورىس تٸلٸ رەسمي مەرتەبەگە يە. تەجٸكستاندا ورىس تٸلٸ كونستيتۋتسييا بويىنشا حالىقارالىق قارىم-قاتىناس تٸلٸ رەتٸندە مويىندالعان. ال ٶزبەكستان مەن تٷركٸمەنستاندا ورىس تٸلٸنە رەسمي مەرتەبە بەرٸلمەگەن.
