فوتو: اكيpress
قىرعىزستاندا ازاماتتاردى جەرلەۋ تەرتٸبٸن رەتتەۋ ماقساتىندا مارقۇمدارعا ەسكەرتكٸشتەر مەن مەموريالدىق بەلگٸلەر ورناتۋ جٶنٸندەگٸ نۇسقاۋلىقتى بەكٸتۋ ۇسىنىلىپ جاتىر. قىرعىز رەسپۋبليكاسى مينيسترلەر كابينەتٸ تيٸستٸ قاۋلى جوباسىن قوعامدىق تالقىلاۋعا شىعاردى, دەپ حابارلايدى Kazinform.
تالاپتارعا سەيكەس, ەسكەرتكٸش بەلگٸلەرٸ ۇزاق مەرزٸمگە شىدامدى ماتەريالداردان - تاس, مەتالل, اعاش جەنە اتموسفەرالىق ەسەرلەرگە تٶزٸمدٸ باسقا ماتەريالداردان جاسالۋى كەرەك.
ەسكەرتكٸشتٸڭ ەڭ ٷلكەن ٶلشەمدەرٸ ناقتى زيراتقا ارنالعان نورمالارعا سەيكەس كەلۋٸ تيٸس. ۇسىنىلاتىن بيٸكتٸك 2 مەتردەن اسپاۋى كەرەك, ال ٸرگەتاسىنىڭ ەنٸ مەن ۇزىندىعى 1,5 مەتردەن اسپاۋى تيٸس. ەسكەرتكٸشتەگٸ جازۋلار ايقىن شريفتپەن جازىلىپ, مارقۇمنىڭ اتى-جٶنٸ, تۋعان جەنە قايتىس بولعان كٷنٸ كٶرسەتٸلۋٸ تيٸس. مارقۇمنىڭ دٸني سەنٸمٸنە سەيكەس ەپيتافييالار مەن دٸني بەلگٸلەردٸ قوسۋعا رۇقسات ەتٸلەدٸ.
قوعامدىق مورال مەن تەرتٸپكە قايشى ەلەمەنتتەرٸ بار ەسكەرتكٸش بەلگٸلەردٸ قولدانۋعا تىيىم سالىنادى.
زيراتتاعى ەسكەرتكٸشتٸ ورناتۋ ٷشٸن جەرلەۋ قىزمەتٸنە ٶتٸنٸش بەرۋ قاجەت, وندا ٶتٸنٸش بەرۋشٸنٸڭ اتى-جٶنٸ مەن بايلانىس مەلٸمەتتەرٸ, جەرلەۋ ورنى مەن نٶمٸرٸ, ەسكەرتكٸشتٸڭ الدىن الا سيپاتتاماسى (پٸشٸنٸ, ماتەريالى, ٶلشەمدەرٸ, جازبالارى) كٶرسەتٸلەدٸ. ٶتٸنٸشكە قايتىس بولعانى تۋرالى كۋەلٸكتٸڭ كٶشٸرمەسٸ, ٶتٸنٸش بەرۋشٸنٸڭ ەسكەرتكٸش ورناتۋعا قۇقىعى بار ەكەنٸن راستايتىن قۇجاتتار جەنە ەسكيز قوسا بەرٸلەدٸ. ٶتٸنٸش بەرٸلگەن كٷننەن باستاپ 30 كٷنتٸزبەلٸك كٷن ٸشٸندە قارالادى. ەگەر ماقۇلدانسا, ٶتٸنٸش بەرۋشٸگە مونتاجداۋ مەرزٸمٸ مەن شارتتارى كٶرسەتٸلگەن ەسكەرتكٸش ورناتۋعا رۇقسات بەرٸلەدٸ.
.jpg)