سۋرەتتەر: ۇلىقبەك بەردٸشوۆتٸڭ تۋىستارى جولداعان. كوللاج: Tengrinews.kz
قىرعىزستاندا اسىلىپ قالعان كٷيٸ تابىلعان قازاقستاندىق ساربازدىڭ تۋىستارى قازاعا بايلانىستى پٸكٸر بٸلدٸردٸ. Elitar.kz باسىلىمىنا بەرگەن سۇحباتىندا مارقۇمنىڭ اناسى ورىنكٷل مەرەكوۆا بالاسى ٶزٸنە قول جۇمساۋى مٷمكٸن ەمەس ەكەنٸن مەلٸمدەدٸ, - دەپ حابارلايدى Tengrinews.kz تٸلشٸسٸ.
ايتا كەتەيٸك, كۋرسانت جامبىل وبلىسى مەركٸ اۋدانى انداس باتىر شەكارا زاستاۆاسىندا بورىشىن ٶتەگەن. 2 ناۋرىزدا ول جوعالىپ كەتٸپ, 10 سەۋٸردە عانا قىرعىزستان اۋماعىنان ٶلٸ تابىلعان.
"ول سابىرلى بالا بولاتىن. ٶزٸنە قول جۇمساۋى مٷمكٸن ەمەس. ونىڭ ٶلٸمٸنە كٸنەلٸلەر بارىنا سەنٸمدٸمٸن. بالام شەكارا سىزىعىن ٶتۋگە بولمايتىنىن بٸلگەن, كومانديرلەرٸ قاتاڭ تٷردە ەسكەرتكەن. ول قالاي شەكارادان ٶتٸپ, قىرعىز اۋماعىنان بٸراق شىقتى? جوعالعاننان كەيٸن 39 كٷن ٶتكەندە عانا تابىلدى, وسى ۋاقىتتا ونىڭ دەنەسٸ شٸرٸپ كەتەر ەدٸ. بٸردەڭە بولعانى انىق. تاياۋدا دەموبيليزاتسييادان مەنٸڭ بالاممەن بٸرگە قىزمەت ەتكەن جەرگٸلٸكتٸ بالالاردىڭ بٸرٸ ورالعان. ول ۇلىقبەكپەن ەڭگٸمە بارىسىندا ەسكەردە قىزمەت ەتۋ ەشكٸمنٸڭ باسىنا بەرمەسٸن دەگەندٸ ايتقانىن ەسٸنە الىپ وتىر", - دەيدٸ مارقۇمنىڭ شەشەسٸ.
ەيەل بالاسىمەن تەلەفون ارقىلى سٶيلەسكەنٸندە ونىڭ ەلدەنە جاسىرعانداي بولعانىن سەزگەنٸن ايتادى. ونىڭ سٶزٸنشە, ۇلىقبەك ايتارى بارىن حابارلاعان. سوعان قاراعاندا, ول ستارشيناسىنىڭ قاسىندا تۇرىپ سٶيلەسكەن سيياقتى, سەبەبٸ بٶتەن ادامنىڭ تەلەفونىنان حابارلاسقان.
ەيەل 2 ناۋرىزدا تٷنگٸ ۋاقىتتا بالاسى جوعالعانىن ەستي سالا جامبىل وبلىسىنداعى شەكارا زاستاۆاسى ورنالاسقان اۋىلعا جەتكەنٸن ايتادى.
ونىڭ ايتۋىنشا, بالاسىنىڭ قىزمەتتەستەرٸنٸڭ ٸس-ەرەكەتٸ ەدەتتەگٸدەي بولماعان, قارىم-قاتىناستان قاشقاقتاعان-مىس, ەلدەنە جاسىرعانداي جٷرگەن كٶرٸنەدٸ.
قازا تاپقان ساربازدىڭ اناسى بالاسىن بەلگٸسٸز بٸرەۋلەر كەزدەيسوق ٶلتٸرٸپ العان بولۋى مٷمكٸن ەكەنٸن, كەيٸن 39 كٷن ٶتكەن سوڭ تابىلعان جەرٸنە اپارىپ تاستاعان بولۋى مٷمكٸن ەكەنٸن ايتادى.
"سوتقا بەرٸپ, بالامنىڭ ٶلٸمٸنە كٸنەلٸلەردٸ زاڭ بويىنشا جازالاۋدى تالاپ ەتەمٸن. بالامدى ٶلٸ قايتارۋ ٷشٸن جٸبەرگەنٸم جوق", - دەيدٸ اشىنعان انا.
"بٸز ول تٸرٸ دەپ كٷدەر ٷزبەي كەلدٸك. امال نە, جازۋى وسى بولدى. تٷسٸنٸكسٸز, كٷمەندٸ جاعداي كٶپ. انداس باتىر اۋىلىنداعى ەكٸمدٸك عيماراتىندا ەسكەريلەر ۇلىقبەكتٸڭ كيٸمدەرٸن بەردٸ. كيٸمٸ تازا. بٸز ٸزدەگەن قىرىق كٷنگە جۋىق ۋاقىتتا كيٸمٸ اشىق اسپان استىندا جاتسا, بۇلاي بولماس ەدٸ عوي. تاپقان كەزدە دەنەسٸ جارتاستان اسىلىپ تۇرعان, وسى كٷندەر بويىندا دەل وسىلاي ٸلٸنٸپ تۇردى دەۋگە كەلمەيدٸ", - دەيدٸ مارقۇمنىڭ اعاسى باۋىرجان مەرەكوۆ.
بۇعان دەيٸن قر ۇقك شەكارا قىزمەتٸ دەپارتامەنتٸ باسشىسىنىڭ ورىنباسارى پولكوۆنيك قايرات تۇياقوۆ قاتارداعى جاۋىنگەر بەردٸشوۆ شارۋا جۇمىسىندا "اتقورانى تازالاۋمەن اينالىسىپ جٷرگەنٸندە جوعالعانىن" حابارلاعان.
10 سەۋٸردە قىرعىزستان تەرريتوريياسىندا جەرگٸلٸكتٸ شوپان ەسكەريدٸڭ كيٸمٸن تاۋىپ الىپ, كەدەنشٸلەرگە ٶتكٸزگەن. وسى جەردەن جٷز شاقىرىمداي جەردە سارباز ٶلٸ تابىلعان. 19 جاستاعى جٸگٸت جارتاستا ٶز بەلدٸگٸنە اسۋلى كٷيٸندە تابىلعان. قالعان زاتتارى ٶزٸندە بولعان.
رەسمي نۇسقا بويىنشا, كۋرسانتتىڭ ٶلٸمٸنە مەحانيكالىق اسفيكسييا سەبەپ بولعان. دەنەسٸنە جاراقات ٸزٸ بولماعانى دا حابارلانعان.
