قىرعىزستان پرەزيدەنتٸ سادىر جاپاروۆ تٷركييادان ساتىپ الىنعان "بايراكتار" اپپپاراتىن كٶرٸپ تۇر.
قىرعىزستان تٷركييادان ۇشقىشسىز ۇشاتىن "بايراكتار" اپپاراتىن ساتىپ الدى. "18 جەلتوقساندا "بايراكتاردى" پرەزيدەنت سادىر جاپاروۆ بارىپ كٶردٸ" دەپ حابارلادى قىرعىزستان پرەزيدەنتٸنٸڭ باسپاسٶز قىزمەتٸ. بۇل اقپاراتتا "بايراكتاردىڭ" قىرعىزستان شەكارا قىزمەتٸنە بەرٸلگەنٸ ايتىلعان.
قىرعىز پرەزيدەنتٸ باسپاسٶز قىزمەتٸنٸڭ مەلٸمەتٸنە قاراعاندا, رەسپۋبليكالىق بيۋدجەت ەسەبٸنەن ساتىپ الىنعان "بايراكتار" ەل قورعانىسى مەن شەكارا كٷزەتٸن قامتاماسىز ەتپەك.
قىرعىزستاننىڭ تٷركييادان "بايراكتار" ساتىپ الاتىنى جايىندا بيىل 21 قازاندا قىرعىزستان مەملەكەتتٸك قاۋٸپسٸزدٸك كوميتەتٸنٸڭ تٶراعاسى قامشىبەك تەشيەۆ ايتقان بولاتىن. بٸراق ول قانشا اقشاعا قانشا "بايراكتار" ساتىپ الاتىنىن ناقتىلاماعان.
تەشيەۆ "بايراكتار" ەلەمنٸڭ بەس-اق ەلٸندە بار, بٸز - سونىڭ بٸرٸمٸز. رەسەيدەن دە "ورلان-10" ۇشقىشسىز اپپاراتىن ساتىپ الدىق",- دەگەن بولاتىن.
قازاننىڭ 23-ٸنە باسپاسٶز كونفەرەنتسيياسىن ٶتكٸزگەن پرەزيدەنت سادىر جاپاروۆ قىرعىزستان ەسكەري تەحنيكاسىن جاڭارتۋ ٷشٸن 100 ميلليون دوللار بٶلٸنگەنٸن جەنە تٷركييا مەن رەسەيدەن ۇشقىشسىز اپپاراتتار ساتىپ الىنعانىن حابارلاعان.
- جانجال شىعارۋ ٷشٸن ەمەس, ەلٸمٸزدٸڭ قاۋٸپسٸزدٸگٸن ساقتاۋ ٷشٸن ساتىپ الىپ وتىرمىز. 30 جىلدا قولىمىزعا قارۋ الىپ ٶزگەنٸڭ جەرٸن باسىپ العان ەمەسپٸز. بٸراق جەرٸمٸزگە كٶز سالاتىندار بولسا, جاۋاپ ٶتە قاتاڭ بولادى,- دەدٸ سادىر جاپاروۆ.
قىرعىزستاننىڭ تەجٸكستان مەن ٶزبەكستان اراسىنداعى شەكاراسى قازٸرگە دەيٸن تولىق دەماركاتسييالانباعان. قىرعىزستان مەن تەجٸكستان اراسىندا بۇعان دەيٸن بٸرنەشە رەت جەر داۋى شىققان. بيىل كٶكتەمدە ەكٸ ەل شەكاراسىندا اتىس بولىپ, ەكٸ جاقتان جٷزگە جۋىق ادام وققا ۇشقان. بۇرىنىراق قىرعىزستان مەن ٶزبەكستان اراسىندا دا وسىعان ۇقساس جانجالدار بولعان.
