قىرعىزستان رەسەيگە بٸشكەكتەن 25 سوتىق جەردٸ 49 جىلعا جالعا بەرمەكشٸ. بۇل تۋرالى كەلٸسٸمدٸ 13 ماۋسىمدا ەل پارلامەنتٸ – جوگوركۋ كەڭەشتٸڭ حالىقارالىق ٸستەر, قورعانىس, قاۋٸپسٸزدٸك جەنە كٶشٸ-قون كوميتەتٸ ماقۇلدادى, دەپ حابارلايدى ازاتتىق.
مەملەكەتتٸك مٷلٸكتٸ باسقارۋ جٶنٸندەگٸ قوردىڭ تٶراعاسى ميرلان باكيروۆ كەلتٸرگەن دەرەكتەر بويىنشا, بٸشكەكتەگٸ جٸبەك جولى داڭعىلى مەن كەرٸمبەكوۆ كٶشەسٸندەگٸ ەكٸ جەر تەلٸمٸنە رەسەي فەدەرالدىق شەكارا قىزمەتٸنە (فپس) ارنالعان عيماراتتار مەن ٶزگە دە نىساندار سالىنباق. بۇرىن "گلوبال ينۆەست" اشىق اكتسيونەرلٸك قوعامىنا تيەسٸلٸ بولىپ كەلگەن بۇل جەر تەلٸمدەرٸن فپس جەكە تۇلعادان ساتىپ العان. رەسەي تارابى قىرعىزستان بيلٸگٸنەن جىلجىمايتىن مٷلٸككە يەلٸگٸن زاڭداستىرىپ بەرۋدٸ ٶتٸنگەن.
"ولار جەكە تۇلعالارمەن كەلٸسٸم جاساپ, مٷلٸكتٸ العان. قىرعىزستان ەندٸ بۇل جەر تەلٸمدەرٸن كاداسترگە تٸركەپ, ولارعا مەملەكەتتٸك مەرتەبە بەرٸپ, ۇزاق مەرزٸمگە جالعا بەرەدٸ, ال مٷلٸك [رەسەيدٸڭ] جەكە مەنشٸگٸنە اينالادى" دەپ تٷسٸندٸردٸ ميرلان باكيروۆ.
ونىڭ سٶزٸنشە, 1999 جىلى قىرعىزستان مەن رەسەي اراسىندا شەكارا قىزمەتتەرٸنٸڭ ىنتىماقتاستىعى تۋرالى كەلٸسٸم جاسالعان. وسى قۇجاتقا سەيكەس, قىرعىزستان رەسەيلٸكتەرگە شۋ وبلىسى نوۆوپوكروۆكا اۋىلىنداعى عيماراتتى شەكاراشىلاردىڭ پايدالانۋىنا بەرگەن. بٸراق وندا قاجەت جاعداي بولماعاندىقتان, رەسەي فەدەرالدىق شەكارا قىزمەتٸ بٸشكەكتەگٸ جٸبەك جولى داڭعىلى مەن كەرٸمبەكوۆ كٶشەسٸنەن ەكٸ جەر تەلٸمٸن ساتىپ العان.
كوميتەتتەگٸ جيىن كەزٸندە جوگوركۋ كەڭەش دەپۋتاتى چولپون سۋلتانبەكوۆا قىرعىزستاندا شەت مەملەكەتتٸڭ ەسكەري قىزمەتكەرلەرٸنە مٷلٸك بەرۋ قاۋٸپتٸ ەكەنٸن ايتتى.
قازٸر رەسەي قازاقستاننان 2050 جىلعا دەيٸن جالعا العان بايقوڭىر قالاسى مەن عارىش ايلاعىن پايدالانىپ وتىر. بايقوڭىر قالاسى 2050 جىلعا دەيٸن رەسەيدٸڭ فەدەرالدىق ماڭىزى بار قالاسى سانالادى. بيىل 10 ناۋرىزدا رەسەي كٷشتەرٸ ۋكرايناعا باسىپ كٸرگەننەن كەيٸن ينتەرنەتتە بايقوڭىردى قازاقستانعا قايتارۋدى تالاپ ەتكەن ونلاين پەتيتسييا جارييالانعان.
