بٷگٸن قىرعىز رەسپۋبليكاسىنا رەسمي ساپارى اياسىندا قازاقستان پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ قىرعىزستان پرەزيدەنتٸ سادىر جاپاروۆپەن كەزدەستٸ, دەپ حابارلايدى "ۇلت اقپارات" قر سٸم سايتىنا سٸلتەمە جاساپ.
م.تٸلەۋبەردٸ قازاقستان پرەزيدەنتٸ قاسىم-جومارت توقاەۆتىڭ اتىنان قىرعىزستان حالقىنا گٷلدەنۋ مەن اماندىق تٸلەگەن جىلى لەبٸزدەرٸن جەتكٸزدٸ. سونىمەن بٸرگە, ول مەملەكەت باسشىسىنىڭ قىرعىز رەسپۋبليكاسىمەن ٶزارا تيٸمدٸ ىنتىماقتاستىقتىڭ تۇراقتى دامۋىنا تەرەڭ مٷددەلٸ ەكەنٸن اتاپ ٶتتٸ.
مينيستر قازاقستان مەن قىرعىزستان تاريحي باۋىرلاستىق بايلانىستارمەن بايلانعانىن, بۇل بٸزدٸڭ ەلدەرٸمٸز اراسىنداعى جان-جاقتى جەنە كٶپ قىرلى ىنتىماقتاستىقتىڭ ايعاعى ەكەنٸن اتاپ ٶتتٸ. سونىمەن قاتار, پرەزيدەنت س.جاپاروۆتىڭ جاقىندا نۇر-سۇلتان قالاسىنا جاساعان مەملەكەتتٸك ساپارى ەكٸجاقتى قارىم-قاتىناستارعا قۋاتتى سەرپٸن بەرگەنٸن ايتىپ كەتتٸ. «قازاقستان ساۋدا-ەكونوميكالىق جەنە ينۆەستيتسييالىق ٶزارا ٸس-قيمىلدى ارتتىرۋعا مٷددەلٸ. بۇل ٷشٸن بٸزدٸڭ ەلدەرٸمٸزدٸڭ قاجەتتٸ ەلەۋەتٸ بار», - دەدٸ تٸلەۋبەردٸ.
ٶز كەزەگٸندە قىرعىزستان پرەزيدەنتٸ ەكٸجاقتى ٶزارا ٸس-قيمىلدىڭ قازٸرگٸ جاعدايىن جوعارى باعالاپ, بارلىق قازاقستاندىق باستامالار مەن ينۆەستيتسييالىق جوبالارعا جەكە قولداۋ كٶرسەتەتٸنٸن ايتتى.
«بٸز قازاقستانمەن, جاقىن كٶرشٸمٸزبەن جەنە دوستاس رەسپۋبليكامەن قارىم-قاتىناسىمىزدى ٶتە جوعارى باعالايمىز. بٸز قىرعىز-قازاق جەمٸستٸ ىنتىماقتاستىعىن ودان ەرٸ كەڭەيتۋگە جەنە تەرەڭدەتۋگە دايىنبىز», - دەپ تولىقتىردى جاپاروۆ.
كەزدەسۋ بارىسىندا ٶڭٸرلٸك جەنە حالىقارالىق كٷن تەرتٸبٸندەگٸ مەسەلەلەر, سونداي-اق جاقىن اراداعى جوعارى جەنە اسا جوعارى دەڭگەيدەگٸ كەزدەسۋلەردٸڭ كەستەسٸ تالقىلاندى. تاراپتار قازاق-قىرعىز ساياسي ٶزارا ٸس-قيمىلىنىڭ اۋقىمىن كەڭەيتۋگە جەنە قازٸرگٸ ساياسي بايلانىستاردى نىعايتۋعا ەرەكشە مەن بەرۋ قاجەتتٸگٸن اتاپ ٶتتٸ.
ساپار سوڭىندا قازاقستاندىق دەلەگاتسييا ۇلى قازاق اقىنى جەنە ويشىلىنىڭ 175 جىلدىعىن مەرەكەلەۋ اياسىندا اشىلعان بٸشكەكتەگٸ اباي اتىنداعى قىرعىز-قازاق مەدەنيەت ورتالىعىندا بولدى. ورتالىقتىڭ قىزمەتٸ تانىمال اقىننىڭ شىعارماشىلىعىن دەرٸپتەۋگە جەنە قىرعىزستان مەن قازاقستان اراسىنداعى مەدەنيەتارالىق بايلانىستار مەن گۋمانيتارلىق ىنتىماقتاستىقتى نىعايتۋعا باعىتتالعان.
