قىرعىزستان جوگوركۋ كەڭەشٸ (پارلامەنتٸ) ەكس-پرەزيدەنت المازبەك اتامباەۆتى تيٸسپەۋشٸلٸك مەرتەبەسٸنەن ايىردى. 27 ماۋسىمداعى جيىن كەزٸندە 109 دەپۋتاتتىڭ 103-ٸ – قولداپ, التاۋى قارسى داۋىس بەردٸ.
وسىلايشا, تەرگەۋ ورگاندارى اتامباەۆتى ۇستاپ, ونى تەرگەۋگە قۇقىق الدى. كەشە, 26 ماۋسىمدا باس پروكۋراتۋرا اتامباەۆقا تاعىلعان جەمقورلىق, زاڭسىز بايۋ جەنە لاۋازىمىن اسىرا پايدالانۋ سيياقتى ايىپتارعا نەگٸز تاپقان.
اتامباەۆقا دەپۋتاتتار تاعىپ, باس پروكۋراتۋرا نەگٸزدٸ دەپ تاپقان ايىپتار مىنالار:
- اتامباەۆ ٷي سالعان كوي-تاش اۋىلىندا جەردٸ زاڭسىز باسىپ الۋ;
- قىلمىستىق توپ مٷشەسٸ ازيز باتۋكاەۆتى زاڭسىز بوساتۋ;
- زاڭسىز بايۋ;
- بٸشكەك تەتس-ٸن جاڭارتۋ جوباسى كەزٸندەگٸ جەمقورلىق ەرەكەت;
- بٸشكەك تەتس-ٸنە زاڭسىز كٶمٸر تاسىمالداۋ ٸسٸنە قاتىسى بولۋى مٷمكٸن.
اتامباەۆتىڭ ٶزٸ ايىپتاردى "اقىلعا قونىمسىز" دەپ سانايدى. ونىڭ سٶزٸنشە, بيلٸك "ساياسي قارسىلاسىنان ارىلۋ ٷشٸن ٶزٸنە كٸنە تاعىپ وتىر".
قىرعىزستاندا بۇرىنعى پرەزيدەنت مەرتەبەسٸنە روزا وتۋنباەۆا مەن المازبەك اتامباەۆ يە. ال حالىق تولقۋلارى نەتيجەسٸندە بيلٸكتەن كەتۋگە مەجبٷر بولعان ەلدٸڭ بٸرٸنشٸ پرەزيدەنتٸ اسقار اقاەۆ پەن ەكٸنشٸ پرەزيدەنتٸ قۇرمانبەك باكيەۆكە ونداي مەرتەبە بەرٸلمەگەن.
