بٷگٸن قىرعىز-تەجٸك شەكاراسى ۋچاسكەلەرٸنٸڭ بٸرٸندە شەكارا ماڭىنداعى اۋىلداردىڭ تۇرعىندارى اراسىندا جانجال بولدى. جاپپاي قاقتىعىس سالدارىنان قىرعىز شەكاراشىلارىنىڭ بٸرٸ جاراقات الدى.
قازٸرگٸ ۋاقىتتا قاقتىعىستىڭ سەبەبٸ انىقتالىپ جاتىر. وعان ەكٸ جاقتان 180-گە جۋىق ادام قاتىستى, دەپ حابارلادى Sputnik قىرعىزستان.
ۇرىس-كەرٸستٸڭ سوڭى جىلدام كەسكٸلەسكەن قاقتىعىسقا ۇلاسقان, ولار بٸر-بٸرٸنە تاس لاقتىرا باستايدى. وقيعا ورنىنا ەكٸ جاقتان كەلگەن شەكاراشىلار, قۇقىق قورعاۋ ورگاندارىنىڭ قىزمەتكەرلەرٸ مەن وبلىستىق ەكٸمشٸلٸك باسشىلارى جانجالدى توقتاتتى.
قىرعىزستاننىڭ مەملەكەتتٸك شەكارا قىزمەتٸنٸڭ مەلٸمەتٸنشە, كەلٸسسٶزدەر بارىسىندا تەجٸك تاراپىنان وق اتىلعان. سالدارىنان شەكاراشى جارالاندى.
"كەلٸسسٶزدەر بارىسىندا ساعات 11:30-دا تەجٸك تاراپىنان بەلگٸسٸز بٸرەۋلەر قىرعىزستان ازاماتتارىنا تاس لاقتىرا باستادى, جاۋاپ قايتارىلعان كەزدە تەجٸكستاندىقتارعا تيەسٸلٸ ەكٸ كٶلٸكتٸڭ الدىڭعى ەينەگٸ سىنعان. 20 مينۋتتان كەيٸن تەجٸك تاراپىنان, الدىن الا مەلٸمەت بويىنشا, ۇساق كاليبرلٸ قارۋدان وق اتىلدى. سالدارىنان قىرعىزستان ٸٸم ٸشكٸ ەسكەرلەرٸنٸڭ ساربازى جاراقات الدى", - دەپ حابارلادى قىرعىزستاننىڭ مەملەكەتتٸك شەكارا قىزمەتٸنٸڭ باسپاسٶز قىزمەتٸ.
حابارلامادا كەلٸسسٶزدەردٸڭ ۋاقىتشا توقتاتىلعانى, ەكٸ ەلدٸڭ بيلٸگٸ جەرگٸلٸكتٸ تۇرعىندارمەن تٷسٸندٸرۋ جۇمىستارىن جٷرگٸزٸپ جاتقاندىعى ايتىلعان.
شەكارالاس ايماقتاعى جاعدايدى تۇراقتاندىرۋ ٷشٸن باس شتاب باستىعى – ۆەدومستۆو باسقارما تٶراعاسىنىڭ بٸرٸنشٸ ورىنباسارى ەبدٸكەرٸم ەلٸمباەۆ باتكەن وبلىسىنا ۇشىپ كەتتٸ.
