قىرعىزستاننىڭ باتكەن وبلىسىندا قىرعىز-تەجٸك مەملەكەتتٸك شەكاراسىن دەليميتاتسييالاۋ جەنە دەماركاتسييالاۋ بويىنشا قىرعىزستان مەن تەجٸكستان ٷكٸمەتتٸك دەلەگاتسييالارىنىڭ وتىرىسى ٶتتٸ, دەپ حابارلايدى "ۇلت اقپارات".
قىرعىزستاندىق كابار اگەنتتٸگٸنٸڭ حابارلاۋىنشا, قىرعىز رەسپۋبليكاسىنىڭ دەلەگاتسيياسىن ۇلتتىق قاۋٸپسٸزدٸك مەملەكەتتٸك كوميتەتٸنٸڭ تٶراعاسى قامشىبەك تاشيەۆ, تەجٸكستان رەسپۋبليكاسىنىڭ دەلەگاتسيياسىن ۇلتتىق قاۋٸپسٸزدٸك مەملەكەتتٸك كوميتەتٸنٸڭ تٶراعاسى سايمۋمين ياتيموۆ باسقاردى.
كەزدەسۋ بارىسىندا ەكٸ تاراپ قىرعىز-تەجٸك مەملەكەتتٸك شەكاراسىنداعى جاعدايدى رەتتەۋگە باعىتتالعان ەرٸ قارايعى ٸس-قيمىلدار بويىنشا پٸكٸر الماستى.
كابار اگەنتتٸگٸنٸڭ مەلٸمدەۋٸنشە, دەلەگاتسييا باسشىلارى قىرعىز-تەجٸك مەملەكەتتٸك شەكاراسىنداعى قاقتىعىستى بەيبٸت جولمەن رەتتەۋ قاجەتتٸلٸگٸ تۋرالى ٶزارا تٷسٸنٸستٸك بٸلدٸردٸ.
وتىرىس قورىتىندىسى بويىنشا بٸرلەسكەن حاتتاماعا قول قويىلدى.
تەجٸكستاندىق حوۆار اگەنتتٸگٸنٸڭ حابارلاۋىنشا, دۋشانبەدە تەجٸكستان رەسپۋبليكاسىنىڭ پرەزيدەنتٸ ەمومالي راحمون مەن قىرعىزستان پرەزيدەنتٸ سادىر جاپاروۆتىڭ كەزدەسۋٸ ٶتەدٸ. مەملەكەت باسشىلارى 30 سەۋٸردە تەلەفون ارقىلى سٶيلەسۋ بارىسىندا كەلٸستٸ.
ەڭگٸمەلەسۋ بارىسىندا مەملەكەت باسشىلارى شەكارا ماڭىنداعى اۋداندارداعى سوڭعى قاقتىعىس وقيعالار جٶنٸندە سٶز قوزعاپ, تەجٸك-قىرعىز شەكاراسىنداعى قالىپتاسقان جاعدايدى تالقىلادى.
جاعدايدى قالىپقا كەلتٸرۋگە جەنە ونىڭ ۋشىعۋىنا جول بەرمەۋگە, اتىستى تولىق توقتاتۋعا جەنە بەلگٸلەنگەن ۋاقىتتا شەكارادان ەسكەرلەردٸ شىعارۋعا باعىتتالعان ۋاعدالاستىقتاردى ورىنداۋدىڭ ەرەكشە ماڭىزدىلىعى اتاپ ٶتٸلدٸ.
وسى تۇرعىدا پرەزيدەنتتەر شەكارانى دەليميتاتسييالاۋ جٶنٸندەگٸ كەلٸسسٶزدەر پروتسەسٸن ودان ەرٸ ٸلگەرٸلەتۋ بويىنشا تەجٸك-قىرعىز مەملەكەتارالىق ديالوگىن جالعاستىرۋدىڭ ماڭىزدىلىعىنا دا نازار اۋداردى.
قىرعىز رەسپۋبليكاسىنىڭ باتكەن قالاسىندا 1 مامىردا دەليميتاتسييا جەنە دەماركاتسييا مەسەلەلەرٸ بويىنشا تاراپتاردىڭ ٷكٸمەتارالىق كوميسسيياسىنىڭ وتىرىسىن ٶتكٸزۋ تۋرالى ۋاعدالاستىقتارعا قول جەتكٸزٸلدٸ.
ايتا كەتەيٸك, 28 سەۋٸر كٷنٸ قىرعىزستان مەن تەجٸكستان شەكاراسىندا ەكٸ ەل تۇرعىندارى ٶزارا كەلٸسپەي, كەيٸن قىرعىزستاننىڭ باتكەن وبلىسى باتكەن اۋدانىنىڭ «گولوۆنوي» ەلدٸ مەكەنٸندە جاعداي شيەلەنٸسە تٷسكەنٸ, ەل ازاماتتارى يسفارا-ۆورۋح تاسجولىن جاۋىپ تاستاعانى حابارلاندى.
29 سەۋٸردە باتكەن وبلىسىنداعى قاقتىعىس ايماعىنان ەۆاكۋاتسييالانعان قىرعىزستاندىقتاردىڭ سانى 848 ادامدى قۇرادى.
وسى كٷنٸ قىرعىزستان مەن تەجٸكستان ساعات 20:00-دەن باستاپ اتىستى توقتاتۋ تۋرالى كەلٸسٸمگە كەلدٸ.
