فوتو: ٶزبەكستان پرەزيدەنتتٸڭ باسپاسٶز قىزمەتٸ
قىرعىزستان مەن ٶزبەكستان ەكٸ ەل اراسىنداعى شەكارانى انىقتاۋ پروتسەسٸن اياقتادى. 27 قاڭتاردا قىرعىزستان پرەزيدەنتٸ سادىر جاپاروۆ ٶزبەك ەرٸپتەسٸ شاۆكات ميرزيياەۆپەن كەزدەسۋ كەزٸندە وسىلاي دەپ مەلٸمدەدٸ. ميرزيياەۆ وسى اپتادا بٸشكەككە مەملەكەتتٸك ساپارمەن كەلگەن. بۇل تۋرالى ازاتتىق راديوسى حابارلادى.
كەزدەسۋ كەزٸندە جاپاروۆ پەن ميرزيياەۆ ٶزبەك-قىرعىز شەكاراسىنىڭ جەكەلەگەن اۋماقتارى تۋرالى راتيفيكاتسييا گراموتالارىمەن الماستى.
"بۇل - شىن مەنٸندە تاريحي وقيعا. بٸز ديالوگقا جەنە شەكارا مەسەلەلەرٸ بويىنشا ٶزارا تيٸمدٸ شەشٸمدەردٸ ٸزدەۋگە دايىن ەكەنٸمٸزدٸ كٶرسەتتٸك. شەكارا مەسەلەلەرٸنە نٷكتە قويۋ ارقىلى بٸز بولاشاق ۇرپاقتىڭ تۇراقتى دامۋى مەن گٷلدەنۋٸنٸڭ ٸرگەتاسىن قالايتىنىمىزعا سەنٸمدٸمٸن" دەدٸ سادىر جاپاروۆ.
ميرزيياەۆ شەكارانى بەلگٸلەۋ مەسەلەسٸن تولىق رەتتەۋ "ەكٸجاقتى قارىم-قاتىناستى دامىتۋدا ماڭىزدى رٶل اتقاراتىنى سٶزسٸز, بۇل ايماقتا تۇراقتىلىق پەن قاۋٸپسٸزدٸكتٸ نىعايتۋعا كٶمەكتەسەدٸ" دەدٸ.
قىرعىزستان مەن ٶزبەكستان ەكٸ ەل اراسىنداعى جان-جاقتى ستراتەگييالىق ىنتىماقتاستىق تۋرالى دەكلاراتسيياعا دا قول قويدى.
ايتا كەتەيٸك, قىرعىزستان مەن ٶزبەكستان اراسىنداعى شەكارانىڭ ۇزىندىعى - 1314 شاقىرىم. بۇعان دەيٸن شەكاراداعى داۋلى ايماقتارعا بايلانىستى قاقتىعىستار جيٸ بولعان. كەيبٸرٸندە ادام ٶلٸمٸ دە بولدى. بىلتىر قاراشادا قىرعىزستان جەنە ٶزبەكستان بيلٸگٸ 30 جىل جالعاسىپ كەلە جاتقان شەكارا داۋىنا نٷكتە قويعان.
شەكارادان بٶلەك, بۇعان دەيٸن ەكٸ ەل كەمپٸراباد سۋ قويماسىن بٸرٸگٸپ باسقارۋ تۋرالى كەلٸسٸمگە قول قويعان. قىرعىزستاندا بۇل نارازىلىق تۋعىزدى. ەلدە جاپپاي تەرتٸپسٸزدٸك ۇيىمداستىردى دەگەن كٷدٸكپەن 26 ادام ۇستالدى. اراسىندا جۋرناليستەر مەن بەلسەندٸلەر بار. سول تۇستا قۇقىق قورعاۋشىلار ۇستالعانداردى بوساتۋدى تالاپ ەتكەن.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
