قىرعىزستاننىڭ ۇلتتىق قاۋٸپسٸزدٸك جٶنٸندەگٸ مەملەكەتتٸك كوميتەتٸنٸڭ شەكارا قىزمەتٸ 1 مامىر, جەرگٸلٸكتٸ ۋاقىتپەن 11:30-داعى جاعداي بويىنشا قىرعىز-تەجٸك شەكاراسىنداعى جاعداي "سالىستىرمالى تٷردە شيەلەنٸسٸپ تۇر" دەپ حابارلادى.
مەكەمەنٸڭ مەلٸمەتٸ بويىنشا, تەجٸك جاعى تورت-كوچو اۋىلىنا باراتىن جولدى تولىق جاۋىپ تاستاعان. تەجٸكستان جەرٸندە شەكاراعا قاراي ەسكەري تەحنيكا جٷرٸپ جاتقانى بايقالادى.
تەجٸك جاعى بۇل اقپاراتقا قاتىستى ەلٸ كوممەنتاريي بەرمەدٸ.
30 سەۋٸر كەشكٸسٸن قىرعىزستاننىڭ باتكەن وبلىستىق ەكٸمشٸلٸگٸ وش-باتكەن-يسفانا تراسساسىندا تورت-كوچو تۇسىنداعى اۆتوجول قايتا اشىلعانىن حابارلاعان. بۇعان قوسا, تەجٸكستاندى قىرعىستان جەرٸنٸڭ ورتاسىنداعى ۆورۋح انكلاۆىمەن جالعاپ جاتقان يسفارا-ۆورۋح جولى دا اشىلعان.
1 مامىردا تاڭعى 9-دا قىرعىزستان شەكارا قىزمەتٸ شەكاراداعى احۋالدى "تۇراقتى" دەپ باعالاعان. مەكەمەنٸڭ حابارلاۋىنشا, ٶتكەن تٷنٸ شەكارادا ەشقانداي قاقتىعىس تا, اتىس تا بولماعان.
28-29 سەۋٸردە قىرعىزستان مەن تەجٸكستان شەكاراسىندا قارۋلى قاقتىعىس بولدى, سونىڭ كەسٸرٸنەن كەمٸ 31 ادام قازا تاۋىپ, 154 كٸسٸ جاراقات العان. ونداعان اۋىل زارداپ شەكتٸ, تۇرعىن ٷيلەر مەن باسقا دا دٷنيە-مٷلٸك ٶرتەندٸ, 30 مىڭعا تارتا ادام ەۆاكۋاتسييالاندى.
تەجٸكستان بيلٸگٸ قازا تاپقاندار مەن جارالانعاندار تۋرالى مەلٸمەت جارييالاعان جوق. ازاتتىقتىڭ تەجٸك قىزمەتٸنٸڭ دەرەگٸ بويىنشا, وقيعا كەزٸندە بۇل ەلدٸڭ 12 ازاماتى وپات بولعان, ولاردىڭ 4-ۋٸ ەسكەري قىزمەتكەر.
قاقتىعىس 28 سەۋٸر كەشكە باستالعان. تەجٸكستاننىڭ بٸر توپ ازاماتى كٶك-تاش ماڭىندا, شەكارادا ورنالاسقان "گولوۆنوي" سۋ تاراتۋ ورتالىعىنا باقىلاۋ كامەراسىن ورناتپاق بولعان. بۇل جاعداي تٶبەلەسكە, ودان ەرٸ تاس لاقتىرۋعا ۇلاسقان. جانجالعا كٶك-تاش پەن حودجا الو اۋىلىنىڭ تۇرعىندارى قوسىلدى. ەكٸ ەل شەكاراسىندا قاقتىعىسقان ەكٸ توپ 29 سەۋٸر كەشكٸسٸن كەلٸسٸمگە كەلٸپ, 24 ساعاتقا سوزىلعان جانجالعا نٷكتە قويدى.
قىرعىزستان پرەزيدەنتٸ سادىر جاپاروۆ وسى وقيعا كەسٸرٸنەن قازا تاپقاندار قۇرمەتٸنە 1-2 مامىردى قارالى كٷن دەپ جارييالادى.
بۇل كٷندەرٸ ەل اۋماعىنداعى جەنە شەتەلدەردەگٸ ديپلوماتييالىق جەنە كونسۋلدىق مەكەمەلەردە قىرعىزستاننىڭ مەملەكەتتٸك تۋى تٶمەن تٷسٸرٸلەدٸ. بۇعان قوسا مەدەنيەت ورىندارى مەن تەلەراديوكومپانييالار ويىن-ساۋىق شارالارى مەن حابارلارىن توقتاتا تۇرۋى تيٸس.
