قىرعىز-تەجٸك شەكاراسىندا بولعان جانجالدان قىرعىزستاننىڭ التى ازاماتى, تەجٸكستاننىڭ ٷش ازاماتى جارالاندى, دەپ حابارلادى جەرگٸلٸكتٸ بيلٸك پەن دەرٸگەرلەر.
قىرعىزستاننىڭ شەكارا قىزمەتٸنٸڭ حابارلاۋىنشا, 18 جەلتوقساندا قىرعىزستاننىڭ باتكەن وبلىسىندا بولعان جانجال كەزٸندە تٶرت شەكاراشى, بٸر دەپۋتات جەنە بٸر تۇرعىن جارالانعان. ەكەۋٸنە وق تيگەن.
تەجٸكستاننىڭ يسفار قالاسىنداعى اۋرۋحانا قىزمەتكەرٸ ازاتتىققا تەجٸكستاننىڭ ٷش ازاماتى: 14 جاستاعى ۋمەدجون سافاروۆ, 23 جاستاعى اسرورحون اسادزودا جەنە 59 جاستاعى سوديكبوي نابيەۆتٸڭ جارالانعانىن ايتتى. تەجٸك بيلٸگٸ وقيعاعا بايلانىستى رەسمي تٷردە مەلٸمدەمە جاسامادى.
سوۆەت وداعى 1991 جىلى قۇلاعالى بەرٸ ورتالىق ازيياداعى كەيبٸر مەملەكەتتەر شەكارا مەسەلەسٸن شەشە الماي كەلەدٸ. ەسٸرەسە, تەجٸكستان, ٶزبەكستان مەن قىرعىزستانعا ورتاق فەرعانا اڭعارى بويىنداعى اۋماقتىڭ داۋلى تۇستارى كٶپ. قىرعىز-تەجٸك شەكاراسىنىڭ جالپى ۇزىندىعى – 970 شاقىرىم. قازٸرگە دەيٸن 504 كيلومەترٸنە بايلانىستى دەليميتاتسييا جەنە دەماركاتسييا جۇمىستارى جٷرگٸزٸلگەن. ال شەكارانىڭ كەلٸسٸلمەگەن تۇستارى سونداعى ەلدٸ مەكەندەردەگٸ سۋ, جەر جەنە ەلٸ انىقتالماعان شەكارانى كەسٸپ ٶتۋ مەسەلەلەرٸ داۋعا جيٸ سەبەپ بولادى. داۋدىڭ سوڭى جانجالعا ۇلاسىپ, تاراپتار بٸر-بٸرٸنە تاس اتادى, كەيدە قارۋدان وق اتادى.
قاڭتار ايىنان بەرٸ قىرعىز-تەجٸك شەكاراسىندا كەمٸندە ون جانجال بولعان. تٶرت جاعدايدا ادام ٶلگەن. قىركٷيەك ايىندا بولعان قاقتىعىستان بٸرنەشە ادام قازا تاپتى.
