فوتو: Pexels.com
سەۋٸر ايىنىڭ سوڭىنان باستاپ قىرعىز رەسپۋبليكاسى قازاقستانعا تالاس ٶزەنٸ ارقىلى تاعى 400 ملن جەنە شۋ ٶزەنٸ ارقىلى 180 ملن تەكشە مەتر سۋ جٸبەرەدٸ, دەپ حابارلايدى Ult.kz.
قر سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ پەن قىرعىز رەسپۋبليكاسىنىڭ مينيسترلەر كابينەتٸ تٶراعاسىنىڭ ورىنباسارى – سۋ رەسۋرستارى, اۋىل شارۋاشىلىعى جەنە قايتا ٶڭدەۋ ٶنەركەسٸبٸ مينيسترٸ باقىت توروباەۆ شۋ جەنە تالاس ٶزەندەرٸندەگٸ مەملەكەتارالىق سۋ شارۋاشىلىعى قۇرىلىمدارىن پايدالانۋ جٶنٸندەگٸ قازاق-قىرعىز كوميسسيياسىنىڭ 35-شٸ وتىرىسىندا وسى جٶنٸندە كەلٸسٸمگە كەلدٸ.
بۇل سۋ جامبىل وبلىسىنداعى اۋىل شارۋاشىلىعى القاپتارىن سۋارۋعا جۇمسالادى. سۋارۋ ماۋسىمى باستالعان سەۋٸر ايىنىڭ ٶزٸندە-اق 45 ملن تەكشە مەتر سۋ بەرٸلدٸ.
سونىمەن قاتار تاراپتار قورشاعان ورتانى قورعاۋ جەنە سۋ ساپاسىن باقىلاۋ بويىنشا بٸرلەسكەن جۇمىس توبىنىڭ قىزمەتٸن تالقىلادى.
وتىرىسقا سونداي-اق سىرتقى ٸستەر مينيسترلٸگٸ, تٶتەنشە جاعدايلار مينيسترلٸگٸ, ەكولوگييا جەنە تابيعي رەسۋرستار مينيسترلٸگٸ مەن جامبىل وبلىسى ەكٸمدٸگٸ ٶكٸلدەرٸ قاتىستى. كوميسسييانىڭ تەڭ تٶراعالارى – قر سۋ رەسۋرستارى جەنە يرريگاتسييا ۆيتسە-مينيسترٸ نۇرلان الدامجاروۆ جەنە قىرعىز رەسپۋبليكاسىنىڭ سۋ رەسۋرستارى قىزمەتٸنٸڭ ديرەكتورى, مينيستر ورىنباسارى نۇرلان جۇماەۆ.
«بىلتىر قىرعىز ەرٸپتەستەرٸمٸزبەن بٸرلەسكەن جۇمىستىڭ ارقاسىندا جامبىل وبلىسىنىڭ ديقاندارىن سۋارمالى سۋمەن تولىق قامتاماسىز ەتتٸك. مىسالى, تالاس ٶزەنٸ ارقىلى قازاقستانعا جوسپارلانعان 380 ملن تەكشە مەتردٸڭ ورنىنا 418 ملن تەكشە مەتر سۋ كەلدٸ. ال شۋ ٶزەنٸ ارقىلى 165,3 ملن تەكشە مەتر سۋ كەلدٸ, بۇل بٸر جىل بۇرىنعى كٶلەممەن سالىستىرعاندا 29,7 ميلليونعا ارتىق», – دەدٸ قر سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ.
