قر ٸشكٸ ٸستەر مينيسترٸنٸڭ ورىنباسارى راشيد جاقىپوۆ ەلٸمٸزدەگٸ قىلمىستىلىق احۋالىنا قاتىستى تٷسٸنٸك بەردٸ, دەپ حابارلايدى قازاقپارات.
«سوڭعى بەس جىلدا قازاقستاندا قىلمىستىلىق دەڭگەيٸ تٶمەندەۋ ٷردٸسٸن كٶرسەتٸپ كەلەدٸ. بۇل اۋىر جەنە اسا اۋىر قىلمىستارعا دا قاتىستى. سونىمەن قاتار, ٶتكەن جىلى العاش رەت ۇرلىق سەكٸلدٸ كەڭٸنەن تاراعان قىلمىستىڭ تٷرٸ بويىنشا فاكتٸلەر ازايدى», - دەدٸ ول استانادا ٶتكەن باسپاسٶز مەسليحاتىندا.
وسى ورايدا راشيد جاقىپوۆ ەلٸمٸزدٸڭ ٶڭٸرلەرٸندە جەرگٸلٸكتٸ بيلٸك ورگاندارى قۇقىق قورعاۋ ورگاندارىمەن بٸرلەسە الدىن الۋ شارالارىن قابىلداپ جاتقانىن جەتكٸزدٸ.
«قالالار مەن كٶشەلەر بەينەباقىلاۋ كامەرالارىمەن, تۇرعىن ٷي كەشەندەرٸ دە وسىنداي جٷيەلەرمەن جابدىقتالۋدا. كٶڭٸل كٶتەرەتٸن ورىندارعا قاتىستى باقىلاۋدى كٷشەيتۋدەمٸز. بۇل باعىتتاعى جۇمىستار ٶزٸنٸڭ نەتيجەسٸن بەرٸپ كەلەدٸ. جالپى, قىلمىستىلىق دەڭگەيٸ ازايۋدا. سوڭعى جىلدارداعى ستاتيستيكاعا قاراساق, بۇل كٶرسەتكٸشتەردٸ كٶرۋگە بولادى. بٷگٸندە ەربٸر ٸس بويىنشا سوتقا دەيٸنگٸ تەرگەۋ باستالادى. ونىڭ ماقساتى - جانجالدىڭ مەن-جايىن زەرتتەپ, ايىپتىلاردى انىقتاۋ», - دەدٸ مينيستردٸڭ ورىنباسارى.
ونىڭ پايىمىنشا, قىلمىستىلىقتى جالعىز پوليتسييانىڭ كٷش-جٸگەرٸمەن جويۋ مٷمكٸن ەمەس.
«مەنٸڭ ويىمشا, قوعام مەن قۇقىق قورعاۋ ورگاندارى شىنىمەن دە بٸرٸگٸپ جۇمىس ٸستەسە, وندا قىلمىستىلىقپەن كٷرەستە ەلەۋلٸ ٸلگەرٸلەۋشٸلٸك جاسايمىز», - دەپ تٷيدٸ ول.
ايتا كەتەيٸك, راشيد جاقىپوۆ باسپاسٶز مەسليحاتىندا دەنيس تەننٸڭ ٶلٸمٸنە قاتىستى تاراعان قاۋەسەتتەرگە جاۋاپ بەردٸ.
