قر ٸشكٸ ٸستەر مينيسترلٸگٸنٸڭ تەرگەۋ يزولياتورلارى مەن قىلمىستىق-اتقارۋ جٷيەسٸ مەكەمەلەرٸندە ۇستالاتىن ادامداردى مەديتسينالىق قامتاماسىز ەتۋ سالاسىنداعى مەملەكەتتٸك ساياساتتى ٷيلەستٸرۋ جٶنٸندەگٸ فۋنكتسييالار مەن ٶكٸلەتتٸكتەر تولىعىمەن دەنساۋلىق ساقتاۋ مينيسترلٸگٸنە بەرٸلەدٸ. بۇل تۋرالى قر ٸشكٸ ٸستەر مينيسترلٸگٸنٸڭ ٶكٸلٸ شۇعىلا بەرٸكقىزى مەلٸم ەتتٸ, دەپ حابارلايدى "ۇلت اقپارات".
مەملەكەت باسششىسى قاسىم-جومارت توقاەۆ 19 شٸلدەدە «قازاقستان رەسپۋبليكاسىنىڭ مەملەكەتتٸك باسقارۋ جٷيەسٸن جەتٸلدٸرۋ جٶنٸندەگٸ شارالار تۋرالى» جارلىققا قول قويدى.
«جارلىققا سەيكەس ٸٸم-نٸڭ تەرگەۋ يزولياتورلارى مەن قىلمىستىق-اتقارۋ جٷيەسٸ مەكەمەلەرٸندە ۇستالاتىن ادامداردى مەديتسينالىق قامتاماسىز ەتۋ سالاسىنداعى مەملەكەتتٸك ساياساتتى ٷيلەستٸرۋ جٶنٸندەگٸ فۋنكتسييالار مەن ٶكٸلەتتٸكتەر تولىعىمەن دەنساۋلىق ساقتاۋ مينيسترلٸگٸنە بەرٸلەدٸ», - دەدٸ ش. بەرٸكقىزى ٸٸم-دە ونلاين ٶتكەن باسپاسٶز مەسليحاتىندا.
بۇعان دەيٸن ٸٸم-نٸڭ كەڭەيتٸلگەن القا وتىرىسىندا مەملەكەت باسشىسى وتاندىق پەنيتەنتسيارلىق جٷيەنٸڭ جاعدايىن جاقسارتۋ قاجەتتٸگٸن ايتقان بولاتىن.
وسىعان بايلانىستى ٸٸم قىلمىستىق-اتقارۋ جٷيەسٸنٸڭ بارلىق رەفورمالارىنىڭ نەگٸزگٸ باسىمدىقتارى, بٸرٸنشٸ كەزەكتە, ادام قۇقىقتارىن ساقتاۋ مەن قورعاۋدى, سوتتالعانداردى ۇستاۋدىڭ جاعدايلارىن جاقسارتۋدى, پەنيتەنتسيارلىق ينفراقۇرىلىمدى جاڭعىرتۋدى ايقىندادى.
«ٸشكٸ ٸستەر مينيسترلٸگٸن تەن ەمەس فۋنكتسييالاردان بوساتۋ جەنە پەنيتەنتسيارلىق جٷيەنٸ جاڭعىرتۋ جٶنٸندەگٸ رەفورما شەڭبەرٸندە سوتتالعانداردى مەديتسينالىق قامتاماسىز ەتۋ فۋنكتسييالارىن دەنساۋلىق ساقتاۋ مينيسترلٸگٸنٸڭ قاراماعىنا بەرۋ زەرتتەۋدٸڭ, دياگنوستيكانىڭ جەنە ەمدەۋدٸڭ قازٸرگٸ زامانعى ەدٸستەرٸنە كەڭٸنەن قول جەتكٸزۋگە مٷمكٸندٸك بەرەدٸ. سونداي-اق, مەديتسينا قىزمەتكەرلەرٸ مەكەمەلەردٸڭ ەكٸمشٸلٸگٸنە تەۋەلدٸ بولمايدى, بۇل بولۋى مٷمكٸن زاڭسىز ەرەكەتتەردٸ جاسىرۋدى جويادى», – دەپ اتاپ ٶتكەن ەدٸ ٸشكٸ ٸستەر مينيسترٸ ەرلان تۇرعىمباەۆ.
قاج-داعى مەديتسينالىق قامتاماسىز ەتۋ جٷيەسٸ قىزمەتتەر رەسۋرستارى, ساپاسى جەنە باقىلاۋ تۇرعىسىنان ازاماتتىق سەكتوردىڭ مەديتسينالىق قىزمەت كٶرسەتۋمەن تەڭ جاعدايدا ەمەس ەكەنٸن اتاپ ٶتكەن جٶن.
نەگٸزگٸ مەسەلە – مەديتسينا قىزمەتكەرلەرٸنٸڭ جەتٸسپەۋشٸلٸگٸ, بۇل رەتتە قاج مەكەمەلەرٸنٸڭ مەديتسينا قىزمەتكەرلەرٸنٸڭ جالاقىسى دەنساۋلىق ساقتاۋدىڭ ازاماتتىق سەكتورىنداعى مەديتسينا قىزمەتكەرلەرٸنٸڭ جالاقىسىمەن سالىستىرعاندا ەلدەقايدا تٶمەن.
سونداي-اق, ازاماتتىق دەنساۋلىق ساقتاۋ سالاسىندا ايتارلىقتاي ماتەريالدىق-تەحنيكالىق بازا جەنە پراكتيكالىق تەجٸريبەسٸ مول بٸلٸكتٸ مەديتسينا ماماندارى بار.
وسىعان بايلانىستى, قۇقىق قورعاۋ جەنە سوت جٷيەلەرٸن رەفورمالاۋ جٶنٸندەگٸ كوميسسييا ٸٸم-نٸڭ قاج مەكەمەلەرٸندە ۇستالاتىن ادامداردى مەديتسينالىق قامتاماسىز ەتۋدٸ دەنساۋلىق ساقتاۋ مينيسترلٸگٸنٸڭ قاراماعىنا بەرۋ تۋرالى ۇسىنىسىن قولدادى.
بۇل شارا باس بوستاندىعىنان ايىرۋ ورىندارىندا جازاسىن ٶتەپ جاتقان ادامداردى مەديتسينالىق قامتاماسىز ەتۋدٸ حالىقارالىق ستاندارتتارعا سەيكەس كەلتٸرۋگە مٷمكٸندٸك بەرەدٸ.
ٶز كەزەگٸندە حالىقارالىق ساراپشىلار مەن قۇقىق قورعاۋشىلار ٸٸم-نٸڭ قىلمىستىق-اتقارۋ جٷيەسٸن رەفورمالاۋ اياسىندا جاساعان كەزەكتٸ قادامىن جوعارى باعالادى.
«ۇيىمنىڭ باس اسسامبلەياسى قابىلداعان بۇۇ-نىڭ ەڭ تٶمەنگٸ ستاندارتتى ەرەجەلەرٸنە سەيكەس, سوتتالعاندار قوعامدا بار مەديتسينالىق-سانيتارلىق قىزمەت كٶرسەتۋ ستاندارتتارىمەن قامتاماسىز ەتٸلۋٸ كەرەك. سوندىقتان, كٷزەتپەن ۇستالاتىن ادامداردى مەديتسينالىق قامتاماسىز ەتۋ فۋنكتسييالارىن ازاماتتىق ۆەدومستۆوعا بەرۋ – بۇل شىن مەنٸندە قازاقستانداعى ماڭىزدى تاريحي وقيعا», – دەپ ورتالىق ازيياداعى PRI ٶكٸلدٸگٸنٸڭ باسشىسى جاننا نازاروۆا اتاپ ٶتٸپ, قازاقستان رەسپۋبليكاسى ٸٸم-نٸڭ پەنيتەنتسيارلىق جٷيە سالاسىنداعى جۇمىسىن ەرەكشە باعالادى.
