قر قارجىلىق مونيتورينگ اگەنتتٸگٸ كۆازيمەملەكەتتٸك سەكتورداعى قارجى جىمقىرۋ فاكتٸسٸن انىقتادى, دەپ حابارلايدى قازاقپارات.
اگەنتتٸكتٸڭ الماتى قالاسى بويىنشا اۋماقتىق دەپارتامەنتٸمەن «Kcell Solutions» جشس-نٸڭ بۇرىنعى قارجى ديرەكتورىنا قاتىستى جالعان قۇجاتتاردى پايدالانۋ ارقىلى جالپى سومماسى 450 ميلليون تەڭگە كومپانييانىڭ سەنiپ تاپسىرىلعان مٷلكiن اسا ٸرٸ كٶلەمدە جىمقىرۋ دەرەگٸ بويىنشا سوتقا دەيٸنگٸ تەرگەپ-تەكسەرۋ ٶندٸرٸسٸ جٷرگٸزٸلۋدە.
تەرگەۋ كەزٸندە انىقتالعانداي, كومپانييانىڭ بۇرىنعى قارجى ديرەكتورى 2018 جىلدىڭ اقپان ايى مەن 2021 جىلدىڭ سەۋٸر ايى ارالىعىندا 258 ميلليون تەڭگە اقشا-قاراجاتىن 5 كومپانييانىڭ ەسەپشوتىنا الدىن الا تٷزٸلگەن جالعان كەلٸسٸمشارتتار مەن بۋحگالتەرلٸك قۇجاتتار نەگٸزٸندە جەنە ٶزٸنٸڭ ايلىق ەسەپشوتىنا نەگٸزسٸز 192 ميلليون تەڭگەنٸ اۋدارىپ, نەتيجەسٸندە قولما-قول اقشاعا اينالدىرىپ جىمقىرعان.
وسىلايشا مەنشٸككە قارسى قىلمىستىق قۇقىق بۇزۋشىلىق جاساپ, «سامرۇق-قازىنا» ۇلتتىق ەل-اۋقات قورىنىڭ قۇرامىنا, ياعني باقىلاۋشى اكتسييالارىنىڭ 51% «قازاقتەلەكوم» اق-نا تيەسٸلٸ «كسەلل» اق-نا اسا ٸرٸ مٶلشەردە زالال كەلتٸرگەن.
كٷدٸكتٸ ازامات جىمقىرعان اقشانى الماتى قالاسىنىڭ بۋكمەكەرلٸك كەڭسەلەرٸندە ۇتىلىپ وتىرعان.
كٷدٸكتٸگە قاتىستى كٷزەتپەن ۇستاۋ شاراسى قولدانىلعان.
تەرگەۋ امالدارى جالعاسۋدا. ٶزگە مەلٸمەتتەر تەرگەۋ مٷددەسٸنە وراي جارييا ەتۋگە جاتپايدى.
