QR Qarjylyq monitoring agenttigi kvazimemlekettik sektordaǵy qarjy jymqyrý faktisin anyqtady, dep habarlaidy QazAqparat.
Agenttiktiń Almaty qalasy boiynsha aýmaqtyq departamentimen «Kcell Solutions» JShS-niń burynǵy qarjy direktoryna qatysty jalǵan qujattardy paidalaný arqyly jalpy sommasy 450 million teńge kompaniianyń senip tapsyrylǵan múlkin asa iri kólemde jymqyrý deregi boiynsha sotqa deiingi tergep-tekserý óndirisi júrgizilýde.
Tergeý kezinde anyqtalǵandai, kompaniianyń burynǵy qarjy direktory 2018 jyldyń aqpan aiy men 2021 jyldyń sáýir aiy aralyǵynda 258 million teńge aqsha-qarajatyn 5 kompaniianyń esepshotyna aldyn ala túzilgen jalǵan kelisimsharttar men býhgalterlik qujattar negizinde jáne óziniń ailyq esepshotyna negizsiz 192 million teńgeni aýdaryp, nátijesinde qolma-qol aqshaǵa ainaldyryp jymqyrǵan.
Osylaisha menshikke qarsy qylmystyq quqyq buzýshylyq jasap, «Samruq-Qazyna» ulttyq ál-aýqat qorynyń quramyna, iaǵni baqylaýshy aktsiialarynyń 51% «Qazaqtelekom» AQ-na tiesili «Ksell» AQ-na asa iri mólsherde zalal keltirgen.
Kúdikti azamat jymqyrǵan aqshany Almaty qalasynyń býkmekerlik keńselerinde utylyp otyrǵan.
Kúdiktige qatysty kúzetpen ustaý sharasy qoldanylǵan.
Tergeý amaldary jalǵasýda. Ózge málimetter tergeý múddesine orai jariia etýge jatpaidy.
