ىقىلاس اتىنداعى حالىق مۋزىكالىق اسپاپتار مۋزەيٸنٸڭ, كونتسەرت زالىندا كٷيشٸ ماعاۋييا حامزيندٸ ەسكە الۋعا ارنالعان «حح عاسىردىڭ كٷي مايتالمانى ماعاۋييا حامزين 90 جاستا» اتتى شىعارماشىلىق كەش ٶتتٸ.
قازاقستاننىڭ حالىق ەرتٸسٸ, قازاقتىڭ دەۋلەسكەر كٷيشٸسٸ ماعاۋييا حامزيننٸڭ 90 جىلدىعىنا بايلانىستى ٸس-شارالاردىڭ لەگٸ تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىندا باستاۋ الىپ, ىقىلاس اتىنداعى حالىق مۋزىكالىق اسپاپتار مۋزەيٸندە جالعاسىن تاپتى. ماعاۋييا حامزين – قازاقتىڭ ۇلتتىق ٶنەرٸنە, ونىڭ ٸشٸندە سوناۋ تٷركٸ دەۋٸرٸنەن بٷگٸنگٸ تاڭعا دەيٸنگٸ ساف قالپىن ساقتاپ كەلە جاتىرعان, كٷي ٶنەرٸنٸڭ مايتالمانى. كٷيشٸنٸڭ مۋزەيدە جالعاسىن تاۋىپ, ٶتٸپ جاتىرعان كەشٸنٸڭ ٶزٸندٸك مەنٸ بار. سەبەبٸ مۋزەيدە ماعاۋييا حامزيننٸڭ دومبىراسى ساقتاۋلى تۇر. كٷيشٸلٸك ٶنەردٸڭ ٸشٸندەگٸ شەرتپە كٷي سالاسىنا ەڭبەگٸن سٸڭٸرٸپ, قولتاڭباسىن قالدىرعان ماعاۋييا حامزين, ەسٸرەسە تەتتٸمبەتتٸڭ كٷيلەرٸن ٷلكەن شەبەرلٸكپەن بٸزگە جەتكٸزدٸ, سول سيياقتى ٶز جانىنان دا كٶپتەگەن كٷيلەر شىعاردى. كٷي تارتىپ قانا قويماعان ول, باتىس ەۋروپانىڭ كلاسسيكالىق مۋزىكالارىن موتسارتتىڭ, برامستىڭ, راحمانيدتٸڭ سول سيياقتى شەتەل كومپوزيتورلارىنىڭ كٶپتەگەن تۋىندىلارىن دومبىراعا لايىقتاپ تارتۋشى, العاشقى دومبىراشىلاردىڭ بٸرٸ. بىلايشا ايتقاندا, ۆيرتۋوز كٷيشٸ دەگەن اتاق العان, دەۋلەسكەر كٷيشٸ. ماعاۋييا حامزين نەگٸزٸنەن تەتتٸمبەتتٸڭ كٷيلەرٸن ٷلكەن ساحنالىق دەڭگەيگە كٶتەرگەن بٸردەن-بٸر ورىنداۋشى.
كەشتٸ جٷرگٸزگەن, قر مەدەنيەت قايراتكەرٸ, كٷيشٸ مۇرات ەبۋعازى. كونتسەرتتٸڭ شىمىلدىعى ماعاۋييانىڭ ورىنداۋىنداعى تەتتٸمبەتتٸڭ كٷيٸ «بەستٶرە», ەشٸمتايدىڭ كٷيٸ «قوڭىرقازبەن» اشىلدى. ورىندعان قازاق ۇلتتىق ٶنەر اكادەميياسىنىڭ ستۋدەنتٸ ايساربەك اقيياشەۆ. كەلەسٸ بولىپ, اتاقتى بۇلۇل ەنشٸ دەنەش راقىشەۆتىڭ تٶل شەكٸرتٸ, تانىمال ەنشٸ – نۇرجان جانپەيٸسوۆ شىعىپ ەسەتتٸڭ «قىسمەت», «احاۋ جالعان» ەندەرٸن ەۋەلەتٸپ, زالدى دٷر سٸلكٸندٸردٸ. كەشتە ماعاۋييا حامزيننٸڭ سەگٸز قىرلىلىعىن كٶرسەتەتٸن, جەنە بٸر ەرەكشەلٸگٸ, ٶزٸنٸڭ تارتاتىن دومبىراسىن ٶزٸ جاساپ الاتىن قولٶنەر شەبەرٸ بولعاندىعى دا ايتىلدى. كٷيشٸ دومبىراسىن ٷنەمٸ جاڭاشالاپ وتىرعان. ساحناعا ماعاۋييانىڭ جولىن قۋىپ جٷرگەن, ٶزٸ شەبەر ەرٸ كٷيشٸ – تالانت تەجەكەنوۆ شىقتى. ماعاۋييا حامزيننٸڭ ورىنداۋىندا بٸزدٸڭ زامانىمىزعا جەتكٸزگەن ەرەكشە كٷيدٸڭ بٸرٸ, دايرابايدىڭ «دايراباي» كٷيٸ جەنە ايتۋلى كٷيشٸ تٶلەگەن مومبەكوۆتىڭ «اسۋ» كٷيلەرٸ ورىندالدى. اڭشىلىق, بالىقشىلىقپەن دە اينالىسقان ماعاۋييا حامزين بٸردە, بالقاش ماڭىندا بٸر قارييانىڭ ەڭگٸمەسٸن تىڭدايدى. قارييانىڭ جالعىز ۇلى سوعىسقا كەتٸپ حابار-وشارسىز ورالماي قالعان. سودان كٷيشٸ, قارييانىڭ زٸلدٸ ەڭگٸمەسٸنەن تەبٸرەنٸپ كەتٸپ ٶمٸرگە «بەلگٸسٸز سولدات» اتتى كٷي ەكەلەدٸ. كەشتە «بەلگٸسٸز سولدات» كٷيٸن, جاس كٷيشٸ سىرىم نۇرمولدين ورىندادى. ماعاۋييا حامزين كٶپ جىلدار بويى قازٸرگٸ جٷسٸپبەك ەلەبەكوۆ اتىنداعى ەسترادا-تسيرك كوللەدجٸندە دەرٸس بەرٸپ, كٶپتەگەن شەكٸرت تەربيەلەگەن. كەلەسٸ بولىپ شىققان ٶنەرپاز, اتالعان وقۋ ورىنىنىڭ 1 كۋرس ستۋدەنتٸ بەكەت بەكسۇلتان تەتتٸمبەتتٸڭ كٷيٸ «سىلقىلداقتى» تارتىپ كٶپشٸلٸكتٸڭ قوشەمەتٸنە بٶلەندٸ. سونان كەيٸن ورتاعا جٷسٸپبەك ەلەبەكوۆ اتىنداعى ەسترادا-تسيرك كوللەدجٸنٸڭ وقىتۋشىسى نۇرلان تٷمەنباەۆ شىعىپ ماعاۋييا حامزيننٸڭ كەرەمەت كٷيٸ «جايلاۋدى» جەنە ايتۋلى كٷيشٸ بورانقۇل كٶشماعامبەتۇلىنىڭ ٶمٸرٸنٸڭ سوڭعى كەزەڭٸندە شىعارعان كٷيٸ, سيرەك ورىندالاتىن كٷي «بورانقۇلدىڭ كٷيٸ جۇرتتا قالعاندى» ورىندادى. ادامنىڭ 62 تامىرىن بويلاي تارتىلاتىن «قوسباسار» كٷيلەرٸنٸڭ ٸشٸندەگٸ بٸر نۇسقاسى «قوسباساردى», بەلگٸلٸ كٷيشٸ ەربولات مۇستافا كٷمبٸرلەتتٸ. ەبديدٸڭ كٷيٸ «زارقوسباساردى» كەشتٸ جٷرگٸزگەن مۇرات ەبۋعازى ٶزٸ ورىنداپ شىقتى. سونداي-اق ماعاۋييا حامزيننٸڭ الدىن كٶرگەن, تٸكەلەي شەكٸرتتەرٸنٸڭ بٸرٸ, اققىز احمەتوۆا سىندى قازاقتىڭ كٷيشٸ قىزدارىنىڭ ٸزٸن باسىپ جٷرگەن سەۋلە قانيەۆا, كٷيشٸنٸڭ جانىنان شىعارعان «شوپان كٷيٸن», تەتتٸمبەتتٸڭ «كٶكەيكەستٸ» كٷيلەرٸن ورىنداپ كٶپشٸلٸكتٸ تامساندىردى.
ماعاۋييا حامزيننٸڭ اتىنا ارنالعان ٸس-شارالاردىڭ تٷيٸنٸ ىقىلاس اتىنداعى حالىق مۋزىكالىق اسپاپتار مۋزەيٸندە تٷيٸلدٸ. كٶرەرمەندەردٸڭ قوشەمەتٸمەن ٶنەرپازدار ورتاعا شاقىرىلىپ, مۋزەيدٸڭ باسشىسى, قر ەڭبەك سٸڭٸرگەن قايراتكەرٸ, بەلگٸلٸ جىرشى ۇلجان بايبوسىنوۆا, قر ەڭبەك سٸڭٸرگەن قايراتكەرٸ, كٷيشٸ جارقىن شەكەرٸم, بەلگٸلٸ قوعام قايراتكەرٸ جۇمابەك تابىن, قر ەڭبەك سٸڭٸرگەن قايراتكەرٸ, ەنشٸ رامازان ستامعازيەۆتەر ساحناعا كٶتەرٸلٸپ, كٷيشٸنٸڭ ٶمٸرٸ مەن ٶنەرٸ جٶنٸندە ەستەلٸكتەرٸمەن بٶلٸستٸ. ٶنەرپازدار العىس حاتتارمەن ماراپاتتالدى. قازاق ٶنەرٸنٸڭ ۇلى كٷيشٸسٸ, شەرتپە كٷيدٸڭ ەنشٸسٸن بٷگٸنگٸ كٷنگە جەتكٸزٸپ كەتكەن, اتا جولىن قۋعان اتاقتى كٷيشٸ ەرٸ شەبەر – ماعاۋييا حامزين اتىنا ارنالىپ ٶتكەن كونتسەرت, جوعارى دەڭگەيدە ٶتتٸ. الداعى ۋاقىتتا دا ۇلىلاردىڭ اسپاپتارىن ساقتاپ وتىرعان قارا شاڭىراق, بۇل كٷندە كيەلٸ شاڭىراققا اينالعان مۋزەيدٸڭ ساحناسىندا, قازاقتىڭ ۇلتتىق ٶنەرٸ ناسيحاتالىپ, دارىندى ۇل-قىزدارى ۇلىقتالا بەرمەك.
باقىتجان قالنيياز,
ىقىلاس اتىنداعى حالىق مۋزىكالىق
اسپاپتار مۋزەيٸنٸڭ
اعا عىلىمي قىزمەتكەرٸ.
ۇلت پورتالى
