بٷگٸنگٸ تاڭدا 83 جىلدىق تاريحى بار الماتى قالاسىنىڭ مەملەكەتتٸك قۋىرشاق تەاترى – رەسپۋبليكامىزداعى ەڭ ٸرٸ ٶنەر ۇجىمدارىنىڭ بٸرٸ. ٶنەر وشاعى بٷگٸندە تالانتتى ارتيستەر مەن قۋىرشاق شەبەرلەرٸنٸڭ, رەجيسسەرلەردٸڭ, سۋرەتشٸلەردٸڭ بٸرنەشە ۇرپاعىن تەربيەلەپ شىعاردى. ەلٸمٸزدە جەنە شەت ەلدە ٶتكەن حالىقارالىق, رەسپۋبليكالىق تەاتر فەستيۆالدەرٸندە بيٸك بەلەستەردٸ باعىندىرعان ۇجىمنىڭ العا قويعان باعىتى مەن باعدارى دا ايقىن. ول – قازاقتىڭ قۋىرشاق تەاترى ٶنەرٸن ٶركەندەتۋ, كەشەگٸ مەن بٷگٸنگٸ ٶمٸر اراسىن ٶنەردٸڭ بيٸك شىڭى ارقىلى شىنايى كٶرسەتە بٸلۋ.
بولاشاعىمىزدىڭ جارقىن, كەلەر ۇرپاقتىڭ بٸلٸمدٸ, ساليقالى بولۋى بالا تەربيەسٸنە تٸكەلەي بايلانىستى ەكەنٸ حاق. سول سەبەپتٸ دە, ەلەمدٸك بەسەكەگە ساي, رۋحاني تۇرعىدان باي, جان-جاقتى, بٸلٸمپاز ۇرپاق تەربيەلەۋ جولىندا قۋىرشاق تەاترى ايانباي ەڭبەك ەتۋدە. 82-شٸ ماۋسىمنىڭ ٶزٸندە ەلوردامىز استانادا, ەلٸمٸزدٸڭ باسقا دا ايماقتارىندا گاسترولدٸك ساپارمەن بولىپ, كٶرەرمەن ىقىلاسىنا كەڭٸنەن بٶلەندٸ. بٸشكەك (قىرعىزستان), مولداۆييا, انكارا (تٷركييا), تاتارستان ەلدەرٸندە ٶتكەن حالىقارالىق تەاتر فەستيۆالدەرٸنە قاتىسىپ, جوعارى ماراپاتتارعا يە بولدى.
83-شٸ ماۋسىمىن جاقىندا اشقان تەاتر ۇجىمى كەزەكتٸ III حالىقارالىق انكارا فەستيۆالٸنە شاقىرتۋ الدى. ٷشٸنشٸ رەت ٶتكەلٸ وتىرعان فەستيۆالدٸڭ ۇيىمداستىرۋشىلارى KUKSADER جەنە THEATRE TEMPO ۇيىمدارى. اتالمىش ٶنەر مەرەكەسٸ ٷستٸمٸزدەگٸ جىلدىڭ قازان ايىنىڭ 19-27 ارالىعىندا ٶتەدٸ. فەستيۆالدٸڭ باستى ماقساتى – قۋىرشاق تەاترى ٶنەرٸنٸڭ كٶكجيەگٸن كەڭەيتٸپ, حالىقارالىق ستاندارتقا ساي ەتە وتىرىپ, كەسٸبي تەاتر ماماندارى مەن تٷرٸك سۋرەتشٸلەرٸ, رەجيسسەرلەرٸ, پروديۋسەرلەرٸ مەن قاراپايىم ٶنەر سٷيەر قاۋىمنىڭ تالابىنان شىعۋ, جاڭا تىنىسىن تانىتۋ. III حالىقارالىق انكارا تەاتر فەستيۆالٸنە بيىل 4 تٷركييالىق جەنە 6 شەتەلدٸك ٶنەر ۇجىمدارى قاتىسىپ, باقتارىن سىنايدى. فەستيۆال بارىسىندا قويىلىمداردان تىس ارنايى دەرٸستەر, سەمينارلار وقىلىپ, قۋىرشاق تەاتر ٶنەرٸنە بايلانىستى كٶرمەلەر ۇيىمداستىرىلادى.
مەملەكەتتٸك قۋىرشاق تەاترى فەستيۆال قاتىسۋشىلارى مەن قوناقتارى نازارىنا «قۋىرشاق دۋمان» (اۆت. جەنە رەج.: ق.ەشمۇراتوۆا, س.شٷكٸروۆ) جەنە «ارىستاننىڭ ٷرەيٸن قالاي ەمدەۋ كەرەك?» (اۆت.: م.دلگەچەۆا, رەج.: ە.توتەۆا-اندوتوۆا) قويىلىمدارىن ۇسىنادى.
ايتا كەتەرلٸك جايت, تەاتر ۇجىمى 2017 جىلدىڭ 28 شٸلدە مەن 7 تامىز ارالىعىندا انكارا قالاسىندا (تٷركييا) ٶتكەن حالىقارالىق تەاتر فەستيۆالٸندە «قۋىرشاق دۋمان» (رەج.: ق.ەشمۇراتوۆا) قويىلىمىمەن قاتىسىپ, قازاقستان رەسپۋبليكاسىنىڭ تٷركييا رەسپۋبليكاسىنداعى ەلشٸسٸنٸڭ اتىنان «قازاقستان مەن تٷركييا اراسىنداعى ديپلوماتييالىق قارىم-قاتىناستاردىڭ 25 جىلدىعى اياسىندا تٷركييا رەسپۋبليكاسىندا قازاق مەدەنيەتٸ مەن ٶنەرٸن تانىتۋعا قوسقان ٷلەسٸ ٷشٸن» اتتى ارنايى العىس حاتپەن ماراپاتتالعان.
