جەكسەنبٸ كٷنٸ قاپشاعاي سۋ قويماسىنىڭ جاعالاۋىندا دەمالۋشىلار سانىنىڭ كٶپتٸگٸنەن تٶرت بالا جوعالىپ كەتتٸ, دەپ حابارلايدى "ۇلت اقپارات".
بالالاردىڭ جوعالعانى ترالى حابارلاما الماتى وبلىسى تٶتەنشە جاعدايلار دەپاراتامەنتٸنە (تجد) 25 شٸلدە كٷنٸ ساعات 15:00-دەن كەيٸن كەلٸپ تٷسكەن. سوڭعىسى كەشكە 19:00 شاماسىندا جوعالعان.
وقيعا ادام كٶپ جينالاتىن جەردە قاپشاعايدىڭ وڭتٷستٸك جەنە سولتٷستٸك جاعالاۋىندا بولعان. اداسىپ كەتكەن بالالار 5-10 جاس شاماسىندا.
بالالاردى ٸزدەۋگە ولاردىڭ اتا-انالارىنا كٶمەككە قاپشاعاي ٶڭٸرٸنٸڭ جەدەل ٸزدەستٸرۋ جاساعىنىڭ قۇتقارۋشىلارىنان جاساقتالعان توپ پەن قاپشاعاي قالاسىنىڭ تج بٶلٸمٸنٸڭ جەدەل توبى كەلدٸ.
«بارلىق بالا امان-ەسەن تابىلدى. ولاردىڭ بارلىعى جاعالاۋدا بولعان. كەيبٸرەۋلەرٸن اتا-انالارى تاپسا, كەيبٸرەۋلەرٸن قۇتقارۋشىلار تاپتى. بالالاردىڭ ەشقايسىسى مەديتسينالىق كٶمەكتٸ قاجەت ەتپەيدٸ. الماتى وبلىسىنىڭ تجد قايعىلى جاعدايلارعا جول بەرمەس ٷشٸن ازاماتتاردان بالالارىن قاراۋسىز قالدىرماۋدى سۇرايدى», - دەپ اتاپ ٶتتٸ الماتى وبلىسىنىڭ تجد باسپاسٶز قىزمەتٸ.
