Jeksenbi kúni qapshaǵai sý qoimasynyń jaǵalaýynda demalýshylar sanynyń kóptiginen tórt bala joǵalyp ketti, dep habarlaidy "Ult aqparat".
Balalardyń joǵalǵany traly habarlama Almaty oblysy Tótenshe jaǵdailar deparatamentine (TJD) 25 shilde kúni saǵat 15:00-den keiin kelip túsken. Sońǵysy keshke 19:00 shamasynda joǵalǵan.
Oqiǵa adam kóp jinalatyn jerde Qapshaǵaidyń ońtústik jáne soltústik jaǵalaýynda bolǵan. Adasyp ketken balalar 5-10 jas shamasynda.
Balalardy izdeýge olardyń ata-analaryna kómekke Qapshaǵai óńiriniń Jedel izdestirý jasaǵynyń qutqarýshylarynan jasaqtalǵan top pen Qapshaǵai qalasynyń TJ bóliminiń jedel toby keldi.
«Barlyq bala aman-esen tabyldy. Olardyń barlyǵy jaǵalaýda bolǵan. Keibireýlerin ata-analary tapsa, keibireýlerin qutqarýshylar tapty. Balalardyń eshqaisysy meditsinalyq kómekti qajet etpeidi. Almaty oblysynyń TJD qaiǵyly jaǵdailarǵa jol bermes úshin azamattardan balalaryn qaraýsyz qaldyrmaýdy suraidy», - dep atap ótti Almaty oblysynyń TJD baspasóz qyzmeti.
