مارقۇم بولعان ٶرت سٶندٸرۋشٸ اسقار زابيكۋلين مەن زارداپ شەككەن ايان كەمپٸروۆتٸڭ وتباسىنا يپوتەكا مەن نەسيە قارىزدارىن ٶتەۋگە كٶمەك كٶرسەتٸلدٸ, - دەپ حابارلايدى Massaget.kz اگەنتتٸگٸ.
استانا ەكٸمدٸگٸ قازا بولعان قۇتقارۋشى اسقار زابيكۋليننٸڭ تۋعان-تۋىستارى مەن جاقىندارىنا كٶڭٸل ايتتى.
"اسقاردىڭ ارتىندا ەكٸ كٸشكەنتاي بالاسى قالدى. ٶزدەرٸڭٸز بٸلەتٸندەي, اسقار زابيكۋليننٸڭ جۇبايىنا ٷش بٶلمەلٸ پەتەردٸڭ سەرتيفيكاتى تاپسىرىلدى. جاڭا باسپانا ەسٸل اۋدانىنداعى جاڭا تۇرعىن ٷي كەشەنٸندە ورنالاسقان. بۇل پەتەر اسقاردىڭ وتباسىنا جەكەمەنشٸككە, ەرلەنگەن كٷيدە ەرٸ جيھازىمەن بٸرگە بەرٸلەدٸ. قازٸر قۇجاتتارىن رەسٸمدەۋ جۇمىسى جٷرٸپ جاتىر.
ال قۇتقارۋشى ايان كەمپٸروۆتٸڭ وتباسىنا كٶمەك رەتٸندە يپوتەكاسى جابىلدى. ونىڭ سوماسى 24 ميلليون تەڭگەنٸ قۇرايدى. سول سيياقتى اسقار زابيكۋلين مەن ايان كەمپٸروۆتٸڭ وتباسىلارىنا تيەسٸلٸ 6 ميلليون تەڭگەنٸڭ نەسيەسٸ ٶتەلدٸ", - دەپ مەلٸمدەدٸ اقمارال ولجاباەۆا.
ەسكە سالايىق, استاناداعى تۇرعىن ٷي كەشەنٸندەگٸ ٶرت كەزٸندە ٷش ادامدى قۇتقارعان اسقار زابيكۋلينگە بۇعان دەيٸن مەملەكەت باسشىسىنىڭ اتىنان قر تج مينيسترٸ يۋريي يلين مەن ەلوردا ەكٸمٸ التاي كٶلگٸنوۆ ٷش بٶلمەلٸ پەتەردٸڭ سەرتيفيكاتىن تابىستاعان بولاتىن.
ول 20 قاراشادا دٷنيەدەن وزدى. دەرٸگەرلەر ونىڭ ٶمٸرٸن ساقتاپ قالۋ ٷشٸن قانشا تىرىسقانىمەن, دەمٸ اۋرۋحانادا ٷزٸلدٸ.
