قر قارجى مينيسترٸ ەرۇلان جاماۋباەۆ قۇرىلىس سالاسىنداعى مەملەكەتتٸك ساتىپ الۋدى جەتٸلدٸرۋ ۇسىنىستارىن ايتتى, دەپ حابارلايدى قازاقپارات.
«قۇرىلىس جۇمىستارىن ورىنداۋ ٷشٸن جەتكٸلٸكتٸ ماتەريالدىق رەسۋرستارى بار مەردٸگەرلەردٸ ٸرٸكتەۋ ماقساتىندا مەنشٸكتٸ قۇرىلىس تەحنيكاسىنىڭ بولۋى تۋرالى مٸندەتتٸ تالاپ بەلگٸلەۋ ۇسىنىلادى. ول ٷشٸن مامانداندىرىلعان تەحنيكانىڭ بٸرىڭعاي بازاسىن قۇرۋ جوسپارلانۋدا. بۇل ولاردىڭ بار-جوعىن اۆتوماتتى تٷردە تەكسەرۋگە مٷمكٸندٸك بەرەدٸ», - دەدٸ مينيستر ٷكٸمەت ٷيٸندە ٶتكەن باسپاسٶز مەسليحاتىندا.
مينيستردٸڭ ايتۋىنشا, مۇنداي شارالار قۇرىلىس جۇمىستارىن ورىنداۋ ٷشٸن بازالىق تەحنيكاسى جوق مەردٸگەرلەردٸ ٸرٸكتەۋدەن ٶتكٸزبەيدٸ.
«بۇدان باسقا, مەملەكەتتٸك ساتىپ الۋدا جەنە كۆازيمەملەكەتتٸك سەكتور سۋبەكتٸلەرٸنٸڭ ساتىپ الۋىندا قۇرىلىس جۇمىستارىن قوسالقى مەردٸگەرلٸككە زاڭسىز بەرۋدٸ شەكتەۋ ماقساتىندا قوسالقى مەردٸگەرلەرگە جۇمىستار شەكتٸ كٶلەمٸنەن اسقان كەزدە جەنە تاپسىرىس بەرۋشٸمەن كەلٸسٸلمەگەن قوسالقى مەردٸگەرلەردٸ تارتۋ كەزٸندە ساتىپ الۋ تۋرالى شارتتى بۇزۋ مٷمكٸندٸگٸ قاراستىرىلادى», - دەدٸ جاماۋباەۆ.
