سەناتتىڭ جالپى وتىرىسىندا دەپۋتات بەكبولات ورىنبەكوۆ ەلٸمٸزدەگٸ قۇرىلىس ساپاسىنا قاتىستى پروبلەمانى كٶتەردٸ, دەپ حابارلايدى قازاقپارات.
ونىڭ پايىمىنشا, عيماراتتار قۇرىلىسىنىڭ ساپاسىنا مەملەكەتتٸك باقىلاۋدىڭ ازايۋى كەسٸپكەرلٸكتٸڭ دامۋىنا وڭ ەسەر ەتكەنٸمەن, سالىنعان ٷيلەردٸڭ قۇلاۋىنا ەكەپ سوعۋى ىقتيمال.
«كەيٸنگٸ 7-8 جىلدا بيزنەس-كليماتتى جاقسارتىپ, كەسٸپكەرلٸك قىزمەتتٸ رەتتەۋ ماقساتىندا تەكسەرۋ ورگاندارىنىڭ بۇل سالاعا ارالاسۋى ازايدى. باقىلاۋ تالاپتارىنىڭ ەلسٸرەۋٸنٸڭ تەرٸس سالدارىنا توقتالساق, پاۆلودار قالاسىندا سالىنىپ جاتقان تۇرعىن ٷي قۇلاپ, شەتەلدٸك جۇمىسشىلار زارداپ شەكتٸ. اپاتقا ساپاسىز جوبالاۋ جەنە نەگٸزگٸ تالاپتاردى ساقتاماي جٷرگٸزٸلگەن قۇرىلىس جۇمىستارى, سونداي-اق تەحنيكالىق قاداعالاۋدىڭ ەلسٸزدٸگٸ سەبەپ بولدى. قۇزىرلى ورگان نىسانعا ۋاقتىلى ينسپەكتسييا جٷرگٸزگەندە, وسىنداي كەمشٸلٸكتەرگە جول بەرٸلمەس. الايدا قولدانىستاعى زاڭنامانىڭ تالاپتارى قۇرىلىس بارىسىن تەكسەرۋدٸ جٷزەگە اسىرۋ قادامدارىن شەكتەدٸ», - دەدٸ سەناتور ٷكٸمەت باسشىسىنىڭ اتىنا جولداعان ساۋالىندا.
دەپۋتات قۇرىلىس ينسپەكتورلارىنىڭ جۇمىس اۋقىمىنىڭ كٶپتٸگٸ مەسەلەسٸنە دە نازار اۋداردى. قازٸرگٸ كەزدە ولاردىڭ سانى 138 بولسا, سالىنىپ جاتقان نىسانداردىڭ سانى 8 مىڭعا جۋىق.
سەناتور كەز كەلگەن عيماراتتى نەمەسە قۇرىلىستى ودان ەرٸ پايدالانۋ كەزٸندە ادامداردىڭ قاۋٸپسٸزدٸگٸن قامتاماسىز ەتۋدٸڭ ماڭىزىن ەسكەرە وتىرىپ, مەملەكەتتٸك سەۋلەت جەنە قۇرىلىستى باقىلاۋ سالاسى بويىنشا قولدانىستاعى زاڭناماعا بٸرقاتار ناقتى ٶزگەرٸستەر ەنگٸزۋدٸ ۇسىندى.
بۇدان بۇرىن حابارلانعانداي, 2021 جىلدىڭ ماۋسىم ايىندا پاۆلوداردا قۇرىلىس جٷرٸپ جاتقان ٷي قۇلاعان ەدٸ. عيمارات قۇلاعان كەزدە ٷش جۇمىسشى زارداپ شەكتٸ, ولاردىڭ بارلىعى - ٶزبەكستان ازاماتتارى.
