بٷگٸن اۋىل شارۋاشىلىعى مينيسترٸ ەربول قاراشٶكەەۆ قۇرعاقشىلىققا تاپ بولعان ەلٸمٸزدٸڭ ٶڭٸرٸنە ەلدەن كٶمەك جيناپ, قولمەن شٶپ شاۋىپ تاسىعان قۇرمەت تالاپقازىنى ماراپاتتادى, دەپ حابارلايدى قازاقپارات.
بەلگٸلٸ بولعانداي, قر اۋىل شارۋاشىلىعى مينيسترٸ ە. قاراشٶكەەۆ قۇرمەت تالاپقازىمەن كەزدەسٸپ, «قۇرمەت» گراموتاسىن تابىستادى.
«قۇرمەتتٸڭ ەسٸمٸ مۇقىم قازاققا بەلگٸلٸ. ماڭعىستاۋدا مال قىرىلىپ جاتقاندا بارشا قازاقستاندىقتارعا ٷندەۋ تاستاپ, يگٸ باستامانى قولعا الدى. مينيستر قۇرمەتتٸڭ باستاماسىن قولداپ قويماي, ونى جٷزەگە اسىرۋعا كٶمەكتەسكەن بولاتىن. شابىلعان شٶپتٸ ماڭعىستاۋعا جەتكٸزۋ ٷشٸن ەكٸمدٸكتەرمەن, قتج سىندى باسقا دا مەكەمەلەرمەن كەلٸسسٶز جٷرگٸزٸپ, ۆەدومستۆو تاراپىنان قاجەت قولداۋدى كٶرسەتتٸ. بٷگٸن سەتٸ تٷسٸپ, شارۋالارمەن كەزدەسۋ بارىسىندا جٷزبە جٷز كەزدەستٸ. قازاقتا باس كٶتەرەتٸن, اۋىلدىڭ مەسەلەسٸنە بەي-جاي قارامايتىن ازاماتتار كٶپ بولسىن!», - دەپ جازدى اۋىل شارۋاشىلىعى مينيسترلٸگٸنٸڭ باسپاسٶز حاتشىسى ەلەۋمەتتٸك جەلٸدەگٸ پاراقشاسىندا.
ەسكە سالساق, شىمكەنت قالاسىنىڭ 25 جاستاعى تۇرعىنى قۇرمەت تالاپقازى ەلٸمٸزدٸڭ باتىسىنداعى قۋاڭشىلىققا تاپ بولعان مالدى اۋىلدارعا جەم-شٶپ جٸبەرۋ ٷشٸن بٷكٸل جۇمىسىن تاستاپ, قوعامدىق باستاماعا مۇرىندىق بولعان ەدٸ.
جاقىندا وعان شىمكەنتتەگٸ ۋنيۆەرسيتەتتە تەگٸن وقۋ مٷمكٸندٸگٸ بەرٸلدٸ.
