فوتو: Instagram/daulet_mukayev
بلوگەر, IT-اعارتۋشى تيمۋر بەكتۇر بيىل "قۇرمەت" وردەنٸن العان قىران تالاپبەك تۋرالى وي تولعادى. ايتۋىنشا, تانىمال موبيلوگراف بۇل كٶرسەتٸلگەن قۇرمەتكە ەبدەن لايىق. سٶزبە-سٶز:
"قىران دەگەن جاس بالا بار. سول جٸگٸت بيىل “قۇرمەت” وردەنٸن العاندا قاتتى قۋاندىم. جەلٸدەگٸ حالىق جەلدەي ەسٸپ ٶسەكتەپ كەتسە دە, وعان كٶرسەتٸلگەن “قۇرمەت” قۇرمەتتٸ دەگەن ويدامىن.
نەلٸكتەن?
ٶيتكەنٸ, بٸزدٸڭ بيلٸكتەگٸلەر قازىنانى تولتىرۋدىڭ جالعىز جولى - الىم-سالىقتىڭ نەشە تٷرٸن ويلاپ تاۋىپ, جاڭادان ايىپپۇلدار شىعارىپ, كەسٸپ جاساۋدىڭ حالىقتىق تٷرلەرٸنە قولدارىنان كەلگەنشە توسقاۋىل قويىپ جاتقاندا, بۇل شىناشاقتاي بالا جالعىز ٶزٸ جٷرٸپ قازاقستاندا موبيلوگرافييا دەپ اتالاتىن جاڭا بٸر كەسٸپ جولىن اشتى.
ون مىڭداعان ٶرەندەي جاستاردى وقىتىپ, جٷز مىڭداعان كەسٸپكەرگە تىڭنان تىنىس اشتى.
ويلاپ قاراڭىزشى? ەشكٸمدٸ كٶشەگە باستاپ شىقپاي, ەشكٸمگە جىلاماي, ەشكٸمنەن ەشتەڭە سۇراماي-اق, ەر موبيلوگرافتىڭ ايلىق جالاقىسى - 200.000 تەڭگە دەپ ەسەپتەگەندە, 10.000 موبيلوگراف 2 ملرد تەڭگە ەكونوميكالىق اينالىم جاسايدى.
ال ەندٸ ويلاپ قاراڭىز, ەلٸمٸزدەگٸ ەربٸر ادام وسى جٸگٸت سيياقتى اياق استىنان ەكونوميكانىڭ جاڭا بٸر سەكتورىن جاساپ جاتىر ما? جوق! وسىدان كەيٸن ول “قۇرمەتتٸ” بولماعاندا, كٸم “قۇرمەتتٸ” بولماق?
بۇل جەردە مەنٸڭ قىرانعا قاتتى قىزىعاتىن تاعى بٸر تۇسىم - جاڭا ەكونوميكا, ديدجيتال ترانسفورماتسييا, ٸت سالاسى دەپ مەن سوڭعى 10 جىلدا ايتپاعان تەسٸگٸم, جازباعان جەرٸم قالماسا دا نە ەلەۋمەتتٸك جەلٸدە, نە شىنايى ٶمٸردە وسىنداي الاپات قوزعالىس جاساي الماي-اق قويدىم. مەن تٷگٸل ەلٸمٸزدٸڭ تۇتاس ۋنيۆەرسيتەتتەرٸ, نەشە تٷرلٸ ٸت كومپانييالار مەن رەسپۋبليكا ايماعىنداعى بارلىق ٸت-حابتار ونداي قوزعالىس جاساي الماي وتىر.
تاعى دا بٸر قىزىعاتىنىم: موبيلوگرافييا - ديدجيتال ماركەتيڭ مەن زاماناۋي PR شاراسىنداعى بٸر تٷيٸر باعىت. سونىڭ ٶزٸنەن قانشا جۇمىس ورنىن, قازاقستاننىڭ سەرۆيس بويىنشا جالپى ٸشكٸ ٶنٸمٸن قالىپتاستىرۋعا بولادى. ال ديدجيتال مەديا, كرەاتيۆ يندۋسترييا مەن ٸت باعىتىندا مۇنداي مىڭداعان باعىت سول كٷيٸ قوزعالماستان جاتىر.
بٸز ٶزٸ اينالدىرعان 20-اق ميلليون حالىقپىز. بۇل 20-اق ميلليون حالىقتىڭ ەرقايسىسىنا 20 جۇمىستان, ايىنا 20 ملن تاباتىن ەكونوميكا قالىپتاستىرۋعا بولادى. كەدەيلٸكتٸ تٷبٸرٸمەن, جۇمىسسىزدىقتى تۇقىمىمەن جويۋعا بولادى.
بٸراق نەگە ەكەنٸن بٸلمەيمٸن… سونى ٸستەي الماي وتىرمىز.
وسىعان ٸشٸم اشيدى".
