قۇرلىقتىق حوككەي ليگاسى: «بارىس» «نەفتەحيميكتەن» باسىم تٷستٸ

«بارىس» بٷگٸن قۇرلىقتىق حوككەي ليگاسىنداعى كەزەكتٸ ويىنىن رەسەيدە «نەفتەحيميك» (نيجنەكامسك) كومانداسىنا قارسى ٶتكٸزدٸ, دەپ حابارلايدى قازاقپارات.

ەكٸ كوماندا بٷگٸنگە دەيٸن 28 مەرتە شەبەرلٸك بايقاستى. ونىڭ 16-ى «بارىستىڭ» باسىمدىعىمەن اياقتالسا, قالعانىندا رەسەيلٸك كلۋبتىڭ مەرەيٸ ٷستەم بولدى. 

ەكٸ كوماندا اراسىنداعى سوڭعى التى كەزدەسۋدٸڭ بەسەۋٸندە قازاقستاندىق كلۋب جەڭٸسكە جەتتٸ. 

كەزدەسۋ بارىسىندا كوماندالار باستاپقى ۋاقىتتان شابۋىلعا كٶبٸرەك كٶڭٸل بٶلدٸ. دەسە دە كەيبٸر سەتتەردە ٶز مٷمكٸندٸگٸن پايدالانا العان جوق. بٸرٸنشٸ كەزەڭدە تابلوداعى ەسەپ ٶزگەرٸسسٸز قالدى. 

ەكٸنشٸ كەزەڭدە «نەفتەحيميك» ساپىنان سەرگەي كۋپتسوۆ 30, پاۆەل پوريادين 33-مينۋتتاردا مەرگەندٸك تانىتتى. وعان 39-مينۋتتا قازاقستاندىق كلۋبتان رومان ستارچەنكو بٸر گولمەن جاۋاپ قايىردى. 

ٷشٸنشٸ كەزەڭدە «بارىس» ساپىنان كيريلل ساۆيتسكيي 47-مينۋتتا تارازى باسىن تەڭەستٸرسە, كيورتيس ۆالك 52-مينۋتتا ەلوردالىق كوماندانى العا شىعاردى. ال 59-مينۋتتا ەلوردالىق كلۋبتان توماش يۋرچو قورىتىندى ەسەپتٸ بەلگٸلەدٸ. 

وسىلايشا «بارىس» قارسىلاسىنان 4:2 ەسەبٸمەن باسىم تٷستٸ. 

ەندٸ «بارىس» 6 جەلتوقساندا رەسەيدە «اك بارس» (قازان) كومانداسىمەن كەزدەسەدٸ.