بٷگٸن استانالىق «بارىس» قۇرلىقتىق حوككەي ليگاسىنداعى كەزەكتٸ ويىنىن ەلوردادا قىتايدىڭ «كۋنلۋن رەد ستار» كومانداسىنا قارسى ٶتكٸزدٸ, دەپ حابارلايدى قازاقپارات.
كەزدەسۋدە العاشقى مينۋتتاردا قىتايلىق حوككەيشٸلەر سەتتٸ ويىن ٶتكٸزدٸ. نەتيجەسٸندە ولاردىڭ قاتارىنان الەكس ريچ 17, جۋدي ين 22, ميحاەل تام 25-مينۋتتاردا مەرگەندٸك تانىتتى.
ودان كەيٸنگٸ كەزەكتە «بارىس» ساپىنان ەگور پەتۋحوۆ 28, رومان ستارچەنكو 31, ليندەن ۆەي 33-مينۋتتاردا گول سوعىپ, تارازى باسىن تەڭەستٸردٸ. ال ياكوب ليليا 38, 44-مينۋتتاردا ەكٸ گولدىڭ اۆتورى اتانىپ, ەلوردالىق كلۋبتى العا شىعاردى.
بۇدان كەيٸن قىتايلىق كوماندادان يتان ۆەرەن 48-مينۋتتا ەسەپ ايىرماسىن قىسقارتقان ەدٸ. «بارىس» حوككەيشٸلەرٸ كودي كۋنيك 49, مەتت فرەتتين 51-مينۋتتاردا كٶزدەگەن نىسانادان مٷلت كەتكەن جوق.
ەلوردالىق كلۋب قارسىلاسىنان 7:4 ەسەبٸمەن باسىم تٷستٸ. وسىلايشا قاتارىنان تٶرت مەرتە جەڭٸسكە جەتتٸ.
قازٸر «بارىس» 37 ويىننان كەيٸن 36 ۇپايمەن تۋرنير كەستەسٸندە 18-ورىننان 16-ورىنعا كٶتەرٸلدٸ.
«بارىس» ەندٸ كەلەسٸ ويىنىن 12 جەلتوقساندا ەلوردادا رەسەيدٸڭ «نەفتەحيميك» (نيجنەكامسك) كومانداسىنا قارسى ٶتكٸزەدٸ.
