قۇرلىقتىق حوككەي ليگاسى: «بارىس» «اك بارستان» باسىم تٷستٸ

«بارىس» بٷگٸن قۇرلىقتىق حوككەي ليگاسىنداعى كەزەكتٸ ويىنىن رەسەيدە «اك بارس» (قازان) كومانداسىنا قارسى ٶتكٸزدٸ, دەپ حابارلايدى قازاقپارات.

كەزدەسۋ بارىسىندا قازاقستاندىق حوككەيشٸلەر سەنٸمدٸ باستادى. دەسە دە بٸرٸنشٸ كەزەڭدە ەسەپ اشىلعان جوق. 

ەكٸنشٸ كەزەڭدە 21-مينۋتتا ياكوب ليليا كٶزدەگەن نىسانادان مٷلت كەتپەي, «بارىس» كومانداسىن العا شىعاردى. رەسەيلٸك كلۋب بۇدان كەيٸن تارازى باسىن تەڭەستٸرۋگە ۇمتىلعان ەدٸ. سوعان قاراماستان تابلوداعى ەسەپ ٶزگەرٸسسٸز قالدى. 

ٷشٸنشٸ كەزەڭدە «بارىس» باسىمدىعىن ارتتىرا تٷستٸ. قازاقستاندىق كلۋب ساپىنان اركاديي شەستاكوۆ 50-مينۋتتا قارسىلاستار قاقپاشىسىن قاپى قالدىرىپ كەتتٸ. ويىننىڭ 58-مينۋتىندا «اك بارس» ساپىنان دميتريي ۆورونكوۆ ەسەپ ايىرماسىن قىسقارتتى. 

كەزدەسۋدە «بارىس» قارسىلاسىنان 2:1 ەسەبٸمەن باسىم تٷستٸ. 

ەندٸ «بارىس» 9 جەلتوقساندا ەلوردادا رەسەيدٸڭ «سوچي» كومانداسىن قابىلدايدى. 

ايتا كەتەرلٸگٸ, ەكٸ كوماندا اراسىنداعى سوڭعى تٶرت كەزدەسۋدە قازاقستاندىق كلۋب اتالعان قارسىلاسىنا ەسە جٸبەرٸپ قويعان ەدٸ.