بٷگٸن سەناتتاعى قازاقستاننىڭ اگروٶنەركەسٸپتٸك كەشەنٸن دامىتۋدىڭ 2017-2021 جىلدارعا ارنالعان مەملەكەتتٸك باعدارلاماسىن ٸسكە اسىرۋ تاقىرىبىنداعى ٷكٸمەت ساعاتىندا دەپۋتات اقىلبەك كٷرٸشباەۆ ەلەۋمەتتٸك ماڭىزداعى تاۋارلار تٸزٸمٸن كەڭەيتۋدٸ ۇسىندى, دەپ حابارلايدى "ۇلت اقپارات".
«قوعامداعى ەڭ ٶزەكتٸ مەسەلە – ول ازىق-تٷلٸكتٸڭ قىمباتتاۋى.
ەسەپ كوميتەتٸنٸڭ قورىتىندىسىنا سەيكەس, بٸزدە ازىق-تٷلٸك قاۋٸپسٸزدٸگٸنٸڭ كٶرسەتكٸشتەرٸ دۇرىس انىقتالمايدى ەكەن. ولاردى ەسەپتەۋ ٷشٸن تاماق ٶنٸمدەرٸن تۇتىنۋدىڭ تيٸستٸ فيزيولوگييالىق نورمالارى قولدانىلمايدى. سونداي-اق حالىقتىڭ ازىق-تٷلٸكپەن قامتاماسىز ەتٸلۋٸن انىقتاۋ ەدٸستەمەلەرٸ ٷكٸمەتتٸڭ نورماتيۆتٸك-قۇقىقتىق اكتٸلەرٸمەن بەكتٸلمەگەن. بۇل تۇرعىدا اۋىل شارۋاشىلىعى مينيسترلٸگٸ نە ٸستەپ جاتىر? ەكٸنشٸ سۇراققا توقتالسام, مەملەكەت رەتتەيتٸن ەلەۋمەتتٸك ماڭىزى بار ازىق-تٷلٸك ٶنٸمدەرٸنٸڭ تٸزٸمٸنە رەسەيدە 24 تٷرٸ, بەلارۋس رەسپۋبليكاسىندا – 28 تٷرٸ ەنگەن. ال قازاقستاندا بار بولعانى - 19, بٸزدە بۇل تٸزٸمدە ەتتٸڭ, كٶكٶنٸستٸڭ, جارمانىڭ كەيبٸر تٷرلەرٸ جوق. ال جەمٸس-جيدەك پەن بالالار تاعامى تٸپتٸ ەنبەگەن. بٸزدٸڭ ويىمىزشا, بۇل - دۇرىس ەمەس! بٸزدٸڭ حالقىمىز ازىق-تٷلٸكتٸڭ تەك 19 تٷرٸن تۇتىنبايدى. وسىعان وراي, ەلٸمٸزدە باعاسىن مەملەكەت رەتتەۋٸ تيٸس ەلەۋمەتتٸك ماڭىزى بار ازىق-تٷلٸك تاۋارلارىنىڭ تٸزبەسٸن كەڭەيتۋ تۋرالى پٸكٸرلەرٸڭٸز قالاي?», - دەپ سۇرادى سەناتور اقىلبەك كٷرٸشباەۆ.
ٶز كەزەگٸندە اۋىل شارۋاشىلىعى مينيسترٸ ساپارحان وماروۆ بيىل ەسەپ كوميتەتٸ ۆەدومستۆونى تەكسەرگەن كەزدە فيزيولوگييالىق نورمالاردى رەتتەيتٸن قاعيدانىڭ جوق ەكەنٸنە نازار اۋدارعانىن اتاپ ٶتتٸ.
«بٸز ونىمەن كەلٸسەمٸز. بۇل قاعيدا بولعان, بٸراق مينيسترلٸكتٸڭ ٶزٸنٸڭ ٸشٸنارا بۇيرىعىمەن بەكٸتٸلگەن. سوندىقتان قازٸر ەسەپ كوميتەتٸنٸڭ بەرگەن ۇسىنىسىن ەسكەرە وتىرىپ, وسى قاعيدا دايىندالدى. قازٸر قاعيدا مەملەكەتتٸك ورگاندارمەن كەلٸسٸلٸپ جاتىر. وسى ايدىڭ ٸشٸندە ول بەكٸتٸلۋٸ كەرەك. ەكٸنشٸ سۇراققا كەلەتٸن بولسام, بٷگٸندە قازاقستاندا ەلەۋمەتتٸك ماڭىزداعى تاۋارلاردىڭ ٸشٸندە 19 ازىق-تٷلٸكتٸڭ تٷرٸ ەنگٸزٸلگەن. بٸراق مينيسترلٸك رەتٸندە باعا بويىنشا, ٶنٸممەن قامتاماسىز ەتٸلۋٸ دەڭگەيٸن ٶزٸمٸز 29 ازىق-تٷلٸك تٷرٸ بويىنشا جٷرگٸزٸپ كەلەمٸز, ياعني ماڭىزدى ٶنٸمدەر قامتىلعان. ال رەسەي مەن بەلارۋستە بٸزگە تەن ەمەس بٸراز ازىق تٷرٸ بار. مىسالى, ولاردىڭ تٸزٸمٸندە شوشقا ەتٸ, كەپتٸرٸلگەن بالىق سيياقتى ٶنٸم بار. بەلارۋستە كٶكٶنٸستەر ەسكٸرمەگەن», - دەدٸ مينيستر.
سونىمەن قاتار وماروۆ سەناتور اقىلبەك كٷرٸشباەۆتىڭ ۇسىنىسىن قولدايتىنىن ايتا كەلە, اتالعان مەسەلە بويىنشا مەملەكەتتٸك ورگاندارمەن بٸرلەسە تيٸستٸ تالقىلاۋ جٷرگٸزۋ كەرەك ەكەنٸن جەتكٸزدٸ.
