ٷندٸستان استاناسى نيۋ-دەليدە كٷرەس تٷرلەرٸنەن بٸر اپتاعا سوزىلعان ازييا بٸرٸنشٸلٸگٸ اياقتالدى, دەپ حابارلايدى "ۇلت اقپارات".
اتالعان قۇرلىقتىق دودادان كٷرەستٸڭ ٷش تٷرٸنەن (گرەك-ريم, ەركٸن جەنە ەيەلدەر كٷرەسٸ) قازاقستان قۇراماسى 19 مەدال (5 التىن, 2 كٷمٸس, 12 قولا) جەڭٸپ الدى.
ەۋەلٸ جارىستى گرەك-ريم كٷرەسٸنٸڭ شەبەرلەرٸ باستاعان بولاتىن. باقتييار بايسەيٸتوۆ ٷمٸت ارتىپ, اپارعان 10 بالۋاننىڭ بەسەۋٸ جٷلدەگەر اتانىپ, جالپىكوماندالىق ەسەپتە ٷشٸنشٸ ورىنعا تۇراقتادى.
اتاپ ايتساق, «كلاسسيكتەردەن» تامەرلان شادۋكاەۆ (77 كەلٸ) ەل قورجىنىنا العاشقى التىندى سالسا, يبراگيم ماگومادوۆ (72 كەلٸ) العاشقى كٷمٸس جٷلدەنٸ سىيلادى. ال حورلان جاقانشا (55 كەلٸ), ازامات كٷستٸباەۆ (87 كەلٸ) جەنە مانسۇر شادۋكاەۆتار (130 كەلٸ) ەل قورجىنىن قولا مەدالدارمەن تولىقتىردى.
گرەك-ريم جارىسى اياقتالعاننان كەيٸن, بوزكٸلەمگە ەيەلدەر كٷرەسٸنٸڭ شەبەرلەرٸ شىققان بولاتىن. نۇرلان امانقوسوۆ باپتايتىن بۇرىمدى بالۋاندار بۇل جولى باپكەرٸنٸڭ سەنٸمٸن تولىعىمەن اقتادى. ولاي دەيتٸنٸمٸز, ەيەلدەر كٷرەسٸنەن قازاقستان قۇراماسى اراعا التى جىل سالىپ ازييا بٸرٸنشٸلٸگٸنەن بٸر ەمەس, ەكٸ بٸردەي التىن مەدال جەڭٸپ الدى.
ايتالىق, 53 كەلٸ سالماقتا تاتيانا امانجول التى جىلدان كەيٸنگٸ العاشقى التىن مەدالدٸ يەلەنسە, جەميلا باقبەرگەنوۆا (72 كەلٸ) دا قارسىلاس شاق كەلتٸرمەي ەكٸنشٸ التىندى ەل قورجىنىنا سالدى. سونىمەن قاتار, اياۋلىم قاسىموۆا (62 كەلٸ) فينالعا دەيٸن جەتٸپ, كٷمٸس مەدال يەگەرٸ اتاندى. ال ۆالەنتينا يسلاموۆا (50 كەلٸ), مارينا زۋەۆا (55 كەلٸ), اياۋلىم قاسىموۆا (57 كەلٸ), مەدينا باقبەرگەنوۆا (59 كەلٸ), ەلميرا سىزدىقوۆا (76 كەلٸ) باستاعان بالۋاندارىمىز ٷزدٸك ٷشتٸكتەن كٶرٸنٸپ, قولا مەدال يەگەرلەرٸ اتاندى.
وسىلايشا, بالۋان قىزدارىمىز 2 التىن, 1 كٷمٸس, 5 قولا مەدال جەڭٸپ الدى.
«سارىقۇرلىق» دوداسىن سوڭعى بولىپ ەركٸن كٷرەس شەبەرلەرٸ تٷيٸندەدٸ. ەسەت سەرٸكباەۆ باپتايتىن ەركٸن كٷرەس شەبەرلەرٸ دە ەل ٷمٸتٸن اقتاي بٸلدٸ. ولار دا ەل قورجىنىنا ەكٸ التىن, تٶرت قولا جٷلدەنٸ سالدى.
ناقتىراق ايتا كەتسەك, ەركٸن كٷرەستەن 74 كەلٸ سالماقتا ەل نامىسىن قورعاعان دانييار قايسانوۆ ازييا چەمپيونى اتاندى. ول وسى جەڭٸسٸنەن كەيٸن «ەكٸ دٷركٸن ازييا چەمپيونى» دەگەن اتققا قول جەتكٸزدٸ. ول ٶتكەن جىلى قىتايدا ٶتكەن ازييا چەمپيوناتىندا دا باس جٷلدەنٸ جەڭٸپ العان بولاتىن. ەكٸنشٸ التىندى يۋسۋپ باتىرمۋرزاەۆ (125 كەلٸ) ەل قورجىنىنا سالدى.
سونداي-اق, دەۋلەت نييازبەكوۆ (65 كەلٸ), مەيٸرجان اشيروۆ (70 كگ), يليسحان چيلاەۆ (92 كەلٸ) پەن ەلٸشەر ەرعالي (97 كەلٸ) قول مەدال يەگەرلەرٸ اتاندى.
وسىلايشا ٷندٸستان استاناسى نيۋ-دەليدە كٷرەس تٷرلەرٸنەن ٶتكەن ازييا بٸرٸنشٸلٸگٸندە قازاقستان قۇراماسى جالپى 19 مەدال (5 التىن, 2 كٷمٸس, 12 قولا) جەڭٸپ الدى.
