قازاقستاندا العاش رەت وليمپيادالىق كٷرەس تٷرلەرٸنەن ٶتكەن ەلەم چەمپيوناتى ٶز مەرەسٸنە جەتتٸ, دەپ حابارلايدى قازاقپارات.
ناقتىراق ايتساق, 14-22 قىركٷيەك ارالىعىندا قازاقستان استاناسىندا گرەك-ريم, ەركٸن جەنە ەيەلدەر كٷرەسٸنەن توكيو وليمپياداسىنا جولداما بەرەتٸن ەلەم چەمپيوناتى ٶتتٸ. بايراقتى بەسەكەدە ەلەمنٸڭ 100 ەلٸنەن 1 002 بالۋان كٷش سىنادى. ەر كٷرەس تٷرٸنەن 10 سالماقتان جالپى 30 مەدال جيىنتىعى ساراپقا سالىندى. سونداي-اق, كەلەسٸ جىلى الاۋى تۇتاناتىن توكيو وليمپياداسىنا ەر سالماقتان 6 بالۋانعا جولداما ٷلەستٸرٸلدٸ.
جالپى, كٷرەس تٷرلەرٸنەن قازاقستاندىق بالۋاندار 7 مەدال (گرەك-ريم كٷرەسٸنەن - 1 كٷمٸس, 2 قولا, ەيەلدەر كٷرەسٸنەن - 1 قولا, ەركٸن كٷرەستەن - 2 كٷمٸس, 1 قولا) جەڭٸپ السا, وليمپيادا ويىندارىنا جالپى 8 جولداماعا يەلٸك ەتتٸ.
ەلەم بٸرٸنشٸلٸگٸن العاش بولىپ گرەك-ريم كٷرەسٸنٸڭ شەبەرلەرٸ باستاعان بولاتىن. قازاقستاندىق گرەك-ريم كٷرەسٸنٸڭ بالۋاندارى ەلەمدٸك دودانى بٸر كٷمٸس جەنە ەكٸ قولا مەدالمەن اياقتادى.
اتاپ ايتار بولساق, قورلان جاقانشا (55 كەلٸ) مەن المات كەبٸسپاەۆتىڭ (63 كەلٸ) جەڭٸستٸ جولىن مەيرامبەك ايناعۇلوۆ جالعاستىردى. 60 كەلٸدە بەلدەسكەن ايناعۇلوۆ كٸشٸ فينالدا ۋكراينالىق لەنۋر تەميروۆتٸ 10:0 ەسەبٸمەن جەڭٸپ, ٶزٸنٸڭ جٷلدە قورجىنىن ەلەم بٸرٸنشٸلٸگٸنٸڭ قولا جٷلدەسٸمەن تولىقتىردى.
سونىمەن باقتييار بايسەيٸتوۆ باپتايتىن گرەك-ريم كٷرەسٸنەن قازاقستان كومانداسى ٶز ەلٸمٸزدەگٸ دودانى التىنسىز اياقتادى. چەمپيونات باستالعانعا دەيٸن كٷرەس ماماندارى مەن بالۋاندار ەلٸمٸزدە ٶتەتٸن ەلەمدٸك سىندا ەنۇرانىمىزدى شىرقاتامىز دەگەن ويلارى ٸسكە اسپاي قالدى. وسىلايشا, «كلاسسيكتەر» ەلەم چەمپيوناتىنان بٸر كٷمٸس, ەكٸ قولا جەنە وليمپيادانىڭ ەكٸ جولداماسىمەن قورىتىندىلادى.
«كلاسسيكتەردەن» كەيٸن ەيەلدەر كٷرەسٸنە دە كەزەك كەلدٸ. الايدا, بالۋان قىزدارىمىز ەلەم بٸرٸنشٸلٸگٸن جالعىز قولا مەدالمەن اياقتادى. 50 كەلٸ سالماقتا ەل نامىسىن قورعاعان ۆالەنتينا يسلاموۆا ەلەم چەمپيوناتىندا ەل قورجىنىنا جالعىز قولا مەدال سالدى. سونداي-اق, توكيو وليمپياداسىنا جولداما جەڭٸپ الدى. قىزدار كٷرەسٸنەن جالپى وليمپياداعا ەكٸ جولداما بۇيىردى. ەكٸنشٸ جولدامانى بٸرٸنشٸلٸكتە 5-ورىنعا يە بولاعان 76 كەلٸ سالماقتاعى بالۋانىمىز ەلميرا سىزدىقوۆا دا جەڭٸپ الدى.
جالپى, نۇر-سۇلتاندا ٶتكەن ەلەم بٸرٸنشٸلٸگٸندە ەيەلدەر كٷرەسٸنەن العاشقى ٷشتٸكتٸ جاپونييا, رەسەي, اقش قۇرامالارى تٷيٸندەدٸ.
ال ەلەم بٸرٸنشٸگٸندە سوڭعى بولىپ, ەركٸن كٷرەس شەبەرلەرٸ بەلدەستٸ. ەلەم چەمپيوناتىنىڭ قورىتىندىسى بويىنشا ەركٸن كٷرەستەن قازاقستان قۇراماسى كوماندالىق ەسەپتە تۇڭعىش رەت جٷلدەلٸ ەكiنشi ورىنمەن اياقتادى. رەسەي قۇراماسى نۇر-سۇلتانداعى ەلەم بٸرٸنشٸلٸگٸندە 190 ۇپايمەن جالپى ەسەپتە كٶش باستاسا, 103 ۇپايمەن قازاقستان قۇراماسى ەكٸنشٸ ورىننان كٶرٸندٸ. ٷزدٸك ٷشتٸككە 94 ۇپاي ەنشٸلەگەن اقش بالۋاندارى يە بولدى.
ەل ەركٸن كٷرەس بالۋاندارى ەلەم چەمپيوناتاندا ەكٸ كٷمٸس, بٸر قولا مەدال جەڭٸپ الدى. سونداي-اق, 57, 65, 74, 97 كەلi سالماقتا وليمپيادا ويىندارىنا تٶرت جولداماعا يەلٸك ەتتٸ.
اتاپ ايتار بولساق, نۇريسلام ساناەۆ (57 كەلٸ – قولا), قىزىلوردالىق دەۋلەت نييازبەكوۆ (65 كەلٸ – كٷمٸس) جەنە پەتروپاۆلدىق نۇرقوجا قايپانوۆ (70 كەلٸ – كٷمٸس) مەدالعا يەلٸك ەتتٸ. بۇل تٸزٸمگە ەلٸشەر ەرعالي (97 كەلٸ), عالىمجان ٶسەرباەۆ (79 كەلٸ), ەدٸلەت داۋلىمباەۆ (86 كەلٸ) قوسىلار ەدٸ. بٸراق ٷشەۋٸ دە قولا جٷلدە ٷشٸن تارتىستا ۇتىلدى.
سونىمەن, كٷرەس تٷرلەرٸنەن ٶز ەلٸمٸزدە ٶتكەن ەلەم بٸرٸنشٸلٸگٸ تاعى دا «التىنسىز» اياقتالدى. بٸراق قازاقستان بالۋاندارى توكيو وليمپياداسىنا كٷرەستٸڭ ٷش تٷرٸنەن جالپى 8 جولداماعا يەلٸك ەتتٸ. گرەك-ريم كٷرەسٸنٸڭ بالۋاندارى - 2, ەيەلدەر كٷرەسٸنٸڭ بالۋاندارى - 2 جولداماعا يە بولسا, ەڭ كٶپ جولداماعا ەركٸن كٷرەس شەبەرلەرٸ قول جەتكٸزدٸ. ولاردىڭ ەنشٸسٸندە وليمپيادا ويىندارىنىڭ 4 جولداماسى بار.
وليمپيادالىق كٷرەس تٷرلەرٸنەن ٶتكەن ەلەم چەمپيوناتىنىڭ جالپى ەسەبٸ:
گرەك-ريم كٷرەسٸ:
1. رەسەي
2. ٶزبەكستان
3. گرۋزييا
قازاقستان 5-ورىندا
ەركٸن كٷرەس بويىنشا:
1. رەسەي
2. قازاقستان
3. اقش
ەيەلدەر كٷرەسٸ:
1. جاپونييا
2. رەسەي
3. اقش
قازاقستان 6-ورىندا.
