كۋرەر-انا بارلىق كٶمەكتەن باس تارتتى. بۇل تۋرالى جەلٸدە المات نەسٸپقاليەۆ ەسٸمدٸ ازامات جازدى, دەپ حابارلايدى ult.kz.
"وسى اتالعان تاقىرىپتى تولىق جاۋىپ, بارلىعىن اللاعا تاپسىردىم. دەگەنمەن, سوڭىنا دەيٸن كٶمەك كٶرسەتە الماعانىما قاتتى ٶكٸنٸش بار. بٸرنەشە كٷن بويى تىنىم تاپپاي, بار ۋاقىتىمدى, نازارىمدى, شىنايى نيەتٸمدٸ وسى ٸسكە ارنادىم. جۇمىسىمدى دا ىسىرىپ قويىپ, حالىق بولىپ, ۇلت بولىپ بٸرٸگٸپ كٶمەك قولىن سوزساق دەگەن ويمەن ەرەكەت ەتتٸم. ول كٸسٸنٸ العاش كٶرگەن سەتتەن باستاپ ويىمدا تەك كٶمەكتەسۋ بولدى. بٸرنەشە كٷن دۇرىس ۇيىقتاي المادىم. ويىم مەن فوكۋسىم سول جاقتا جٷردٸ. جۇمىستان كەش شىقسام دا, جاعدايلارىن بٸلۋ ٷشٸن جولداسىممەن بٸرگە باردىم. قولىمىزدان كەلگەنشە شاعىن كٶمەك كٶرسەتتٸك, مەن-جايىن بٸلدٸك. تەك بٸلٸپ قانا قويماي, ناقتى كٶمەك كٶرسەتەمٸز دەپ شىن نيەتٸمٸزدٸ بٸلدٸردٸك.
كەلەسٸ كٷنٸ ۆيدەو ماتەريال تٷسٸرٸپ, كٶمەك جيناۋعا (سبور) كٶمەكتەسەتٸنٸمٸزدٸ ايتتىق. ول كٸسٸ كەلٸسٸمٸن بەردٸ, كەرەك-جاراقتارىن جازىپ الدىق, كٶمەك بەرۋٸمدٸ ٶتٸندٸ. مەن ٶز نٶمٸرٸم ارقىلى نەمەسە ٶز اتىمنان ەشقاشان اقشا جيناعان ەمەسپٸن
نيەتٸم - رەكۆيزيتتەرٸن الىپ, كٶمەكتٸ تٸكەلەي سول ادامداردىڭ ٶزٸنە جەتكٸزۋ ەدٸ. بٸرنەشە قايىرىمدىلىق قورلارىنا جازدىم, سٶيلەستٸم, تٸپتٸ ٷي الىپ بەرۋگە دەيٸن تىرىستىم. باستى ماقسات - قاي جاعىنان بولسىن بٸر پايدامدى تيگٸزۋ بولدى.
وسى جاعدايعا بايلانىستى جۇمىس ورنىمنان دا شىعىپ كەتتٸم. نەگٸزگٸ ويىم - انا مەن 4 ايلىق نۋريلاعا كٶمەكتەسۋ ەدٸ…
سونىمەن قاتار, وسى ارقىلى قوعامداعى كٶپتەگەن جاس انالاردىڭ, جالعىزباستى باتىر انالارىمىزدىڭ جاعدايىن كٶرسەتٸپ, قولداۋ بٸلدٸرۋ بولاتىن. تەك بٸر وتباسىنىڭ ەمەس, جالپى قازاق ەلٸنٸڭ جاعدايىنا تيتتەي بولسا دا ٷلەس قوسسام دەگەن وي بولدى. ماعان بۇل ٸستەن ەشقانداي قارجى تٷسكەن جوق, ەشكٸم كەلٸپ مەنٸڭ جاعدايىمدى جاساپ بەرگەن جوق. مەنٸڭ بار جاساعانىم - جٷرەكپەن جاناشىرلىق تانىت, 4 ايلىق سەبيدٸڭ ەش كٸنەسٸ جوق قوي دەگەن وي مازا بەرمەدٸ. تٷن ۇيقىم بۇزىلىپ, قالاي كٶمەك كٶرسەتە الامىن دەگەن سۇراق ويىمنان كەتپەدٸ. بٸراق بارلىعى مەن ويلاعانداي بولمادى. كەلٸنشەگٸمەكەۋمٸز ۆيدەو تٷسٸرۋگە باردىق. ەشقانداي موبيلوگراف تا, ۆيدەوگراف تا بولعان جوق
قولىمىزدا ارنايى جارىق تا بولمادى. بار بولعانى - شىنايىلىق. ٷيدٸڭ سىرتىنان باستاپ, ٸشكە تەك ٶزدەرٸنٸڭ رۇقساتىمەن كٸرٸپ تٷسٸردٸك. بارلىعى شىنايى بولدى. مەن-جايدى اشىق ايتىپ بەرۋٸن, تەك ناقتى ەرٸ شىن اقپارات ايتۋىن سۇرادىم. قارىزدارى, كرەديتتەرٸ, دياگنوزعا قاتىستى قۇجاتتارى مەن ۆىپيسكالارىن تٷگەل تەكسەرٸپ الدىم.
ۆيدەو تٷسٸرٸلٸپ بولدى, مونتاجدالىپ, تەك سالۋ عانا قالعان ەدٸ. الايدا بٷگٸن ماعان حابارلاما كەلدٸ. مەنٸڭ نيەتٸم - ۆيدەونى ەلەۋمەتتٸك جەلٸلەرگە جارييالاپ, حالىق بولىپ كٶمەك جيناۋدى باستاۋ ەدٸ…
بٸراق ول كٸسٸلەر ٶزدەرٸ كٶمەكتەن باس تارتتى. قوڭىراۋلارىما جاۋاپ بەرمەدٸ. «كەرەك ەمەس, ۆيدەونى سالماڭىز» دەپ جاۋاپ قايتاردى. مەملەكەت تاراپىنان كٶمەك كٶرسەتٸلٸپ جاتقانىن, ۋاقىتشا تۇرعىن ٷي مەسەلەسٸ شەشٸلگەنٸن, ەندٸ جۇمىسقا ورنالاستىراتىنىن ايتتى. ۆيدەونى سالساڭ, ٷستٸڭنەن ارىز جازامىن دەپ, مەنٸ بۇعاتتاپ تاستادى.
وسى سەتتە كٶڭٸلٸم قاتتى تٷسٸپ قالدى. ەندٸ حالىق بولىپ بٸرٸگٸپ, ٷي الىپ بەرٸپ, جاعدايىن رەتتەيمٸز دەگەندە وسىنداي جاعداي ورىن الدى. حايىرلىسى وسى شىعار…
مەن قولىمنان كەلگەننٸڭ بەرٸن جاساۋعا تىرىستىم. حابارعا شىقتىم, ٷيلەرٸنە دە باردىم, بٸراق ەشقانداي جاۋاپ بولمادى.
بۇل وقيعا مەنٸ بەيجاي قالدىرمايدى. ٶيتكەنٸ دەل وسىنداي قيىن جاعدايدا جٷرگەن قانشاما جاس وتباسىلار, جالعىزباستى انالار, مٷمكٸندٸگٸ شەكتەۋلٸ جاندار بار. كٶپتەگەن مىقتى انالارىمىز وسىنداي اۋىر جاعدايدا جۇمىس ٸستەۋگە مەجبٷر بولىپ جٷر. بارلىق حالىقتىڭ الدىندا باستالعان ٸس بولعاندىقتان, وسى جازبانى جازۋعا شەشٸم قابىلدادىم, حالىق مەنٸ جوق بولىپ كەتتٸ دەپ ويلاماسىن, مەن سوڭىنا دەيٸن بارعىم كەلدٸ.
ٷلكەن ٶزگەرسٸتەر ەكەلۋ ٷشٸن ٷلكەن ٸس كەرەك ەمەس. كٸشكەنتاي قادامنان باستاپ, حالىق بولىپ بٸرٸگٸپ, ٷلكەن نەتيجەگە جەتۋگە بولادى.
بۇل- مەنٸڭ جەكە ويىم. ەندٸ قالعانىنىڭ اللاعا تاپسىردىم, نيەتٸمە اللام ٶزٸ كۋە!», - دەپ جازدى ول.
