كٷردەلٸ كەزەڭدە ەسكەري مٸندەتتٸلەر شەتتە قالماۋى كەرەك. بۇل تۋرالى تٷركٸستان وبلىسى قوعامدىق دامۋ باسقارماسىنىڭ «جاستار رەسۋرستىق ورتالىعى» كمم-نٸڭ باسشىسى امالبەك ٶمٸرتاي Strategy2050.kz تٸلشٸسٸنە بەرگەن پٸكٸرٸندە ايتتى.
«2014 جىلى سالتاناتتى انت قابىلداپ, 2014 جىلعى تٷلەكتەر اراسىندا قازۇۋ-دٸڭ ەسكەري كافەدراسىنىڭ جالاۋىنا يە بولعان ەدٸم. سول كەزدە ۆزۆود كومانديرٸ بولعام. موتواتقىش باعىتىندا بٸلٸم الىپ, جاس جاۋىنگەردٸڭ بارلىق ماشىقتارىن مەڭگەرگەن بولاتىنمىن. ول جاۋاپكەرشٸلٸكتٸ تەرەڭ سەزٸنەمٸن. مەملەكەتكە تٶتەنشە جاعداي كەزٸندە ەسكەري مٸندەتتٸلەردٸڭ كٶمەگٸ قاجەت بولىپ جاتسا, مەن, ەرينە, ازاماتتىق بورىشىمدى بارىپ ٶتەۋگە دايىنمىن. قازٸرگٸ تاڭدا قورعانىس, مەملەكەتتٸك ورگان قۇرىلىمدارى بارىنشا جۇمىس ٸستەپ جاتىر. قاشىقتىقتان جۇمىس ٸستەپ جاتقاندار نە بولماسا ۋاقىتشا جۇمىسسىز قالعان ازاماتتار ەسكەري مٸندەتتەرٸن اتقارۋعا ٶز ەرٸكتەرٸمەن بارسا, بۇل اتالعان ٸندەتپەن كٷرەسۋدٸ ارتتىرار ەدٸ», - دەدٸ ا.ٶمٸرتاي.
سونداي-اق, ول جاستار رەسۋرستىق ورتالىعىنىڭ جاستارى كارانتين جاعدايىندا دا ايانباي ەڭبەك ەتٸپ جاتقانىن جەتكٸزدٸ.
«وبلىس, اۋدان كٶلەمٸندە ەرٸكتٸلەردٸ جۇمىلدىرىپ, قوعامدىق جۇمىستاردى اتقارىپ جاتىرمىز. اتاپ ايتار بولساق, تٷركٸستان جاستارى مەن كەمەلەت جاسقا تولعان ۆولونتەرلار ارنايى وقىتۋ-مامانداندىرۋ بويىنشا تەلٸم الىپ, ٶز بٸلٸكتٸلٸكتەرٸن «تٷركٸستان» تەمٸر جول ۆوكزالىندا ٸس-تەجٸريبە تٷرٸندە جٷزەگە اسىردى. سونداي-اق, ەرٸكتٸلەر بلوك-بەكەتتەردە تەگٸن ماسكالار تاراتۋ جۇمىستارىن جٷرگٸزدٸ. اعىلشىن تٸلٸن ونلاين تٷردە تەگٸن ٷيرەتۋدٸ دە جٷزەگە اسىرىپ جاتىر. بەلسەندٸ, پاتريوت, ەرٸكتٸ جاستار ٶز ٷلەستەرٸن وسىلاي دا قوسىپ جاتىر», - دەدٸ ول.امالبەك ٶمٸرتايدىڭ پٸكٸرٸنشە, تٶتەنشە جاعداي كەزٸندە ەسكەري مٸندەتتٸلەردٸ جيىنعا شاقىرۋ دۇرىس.
«بٸز «ەلەم نە ٸستەپ جاتىر?» دەپ, ولاردىڭ تەجٸريبەلەرٸنە جٷگٸنە بەرمەي, ٶزٸمٸزدٸڭ ۇلتتىق تەجٸريبەمٸزدٸ ويلاپ تابۋىمىز كەرەك. تٷركٸستان وبلىسى ورتالىق ازيياعا قاقپا بولعاننان كەيٸن وسىنداي قاربالاس كەزٸندە, باسقا دا ساياسي احۋالداردىڭ پايدا بولۋىنا بايلانىستى قورعانىستى كٷشەيتۋ كەرەك دەپ ويلايمىن. وسى ورايدا پرەزيدەنتتٸڭ تاپسىرماسىن قولداپ, كٷردەلٸ كەزەڭدە ەربٸر ەسكەري مٸندەتتٸ ادامنىڭ شەتتە قالماۋىن قۇپ كٶرەمٸن», - دەپ تٷيٸندەدٸ ا.ٶمٸرتاي.
