2018 جىلى 30 مىڭعا جۋىق قازاقستاندىق وتباسى «تۇرعىن ٷي قۇرىلىس جيناق بانكٸ» ارقىلى قونىس تويىن تويلادى.
قىرىق بەس جاستاعى اقتٶبەلٸك پوليتسەي قايرات مۇحتاروۆ ٶز ٷيٸم بولسا دەپ كٶپتەن بەرٸ ارمانداعان ەدٸ. تٶرت بالانىڭ ەكەسٸ 25 جىلدان بەرٸ بۇل سالادا قىزمەت ەتەدٸ. بالالارىنىڭ كٸشكەنتايى مەكتەپتە وقيدى. ال, جارى بولسا بالاباقشادا تەلٸم بەرەدٸ. بۇل وتباسى كٶپ جىلدان بەرٸ پەتەر جالداپ تۇرعان-دى. اي سايىن پەتەراقىعا 60 مىڭ تەڭگە جۇمساۋعا تۋرا كەلەتٸن. ەرينە, وتاعاسى باسپانا مەسەلەسٸن قالاي شەشۋ تۋرالى جيٸ ويلاندى.
ەرلٸ-زايىپتىلار التى جىل بۇرىن «تۇرعىن ٷي قۇرىلىس جيناق بانكٸنە» سالىم سالۋدى شەشتٸ. بٷگٸنگە دەيٸن ولار 3 ميلليون تەڭگە كٶلەمٸندە قارجى جيناي الدى. قايرات ەكٸ جىل بۇرىن جەر تەلٸمٸنٸڭ كەزەگٸنە تۇردى. ەندٸ مٸنە, بۇل وتباسىنىڭ ارمان-تٸلەگٸ ورىندالدى دەسەك تە بولادى. ياعني, ولار «نۇرلى جەر» باعدارلاماسى بويىنشا «نۇر-اقتٶبە» شاعىن اۋدانىنان جاڭادان بوي كٶتەرگەن ەكٸ قاباتتى كوتتەدجدٸڭ يەسٸ اتاندى.
- مەنٸ بەرٸ قاناعاتتاندىرادى. جالپى اۋماعى 152 شارشى مەترلٸ ٷيٸمٸز ٶتە جارىق, ەدەمٸ, كەڭ. ٷيدٸڭ مانساردتى بولعانى دا جاقسى بولدى. بارلىق جاعداي جاسالعان ەرٸ جىلى. جاڭا جىلدا وتباسىمىزبەن بارساق دەپ وتىرمىز, - دەيدٸ قايرات مۇحتاروۆ.
تالاپتارعا ساي, وتباسى سەگٸز جىل بويى اي سايىن 100 مىڭ تەڭگە تٶلەپ كەلسە, كەيٸن تٶلەم قۇنى ەكٸ ەسە ازايادى. ياعني باعا ايىنا 50 مىڭ تەڭگە كٶلەمٸندە بولادى. بۇل, تيٸسٸنشە, ولاردىڭ اي سايىن جالدامالى پەتەرگە كەتكەن اقشالارىنان از. جالپى العاندا, نەسيەنٸ 19 جىلعا بەرگەن. نەسيە بويىنشا جىلدىق ستاۆكا 5% قۇراعان.
بٷگٸندە قازاقستاننىڭ تۇرعىن ٷي قۇرىلىس جيناق بانكٸ ۇسىنعان ٶنٸمدەر مەن جوبالارعا سۇرانىس ٶتە كٶپ. 2018 جىلدىڭ ون ايى بويىنشا بٸزدٸڭ بانك جالپى قازاقستاندىق يپوتەكا 63% ٷلەسٸن xالىققا ۇسىنىپ وتىر.
وسى كەزگە دەيٸن 30 مىڭنان اسا ەل تۇرعىنى قونىس تويىن ٶتكٸزسە, ولاردىڭ 7 مىڭعا جۋىعى "نۇرلى جەر" مەملەكەتتٸك باعدارلاماسى بويىنشا باسپانالى بولدى. ال, اقتٶبە قالاسىندا 1400 جانۇيا جاڭا ٷيدٸڭ كٸلتٸنە قول جەتكٸزدٸ. ودان بٶلەك 300 ادام قۇجات رەسٸمدەۋ كەزەڭٸندە. جىل سوڭىنا دەيٸن تاعى مىڭعا تارتا وتباسى قۋانىشقا كەنەلمەك.
"بۇل ساندار قازٸرگٸ تاڭدا ەڭ ٶزەكتٸ جەنە ٶتكٸر قوعامدىق پروبلەمالاردىڭ بٸرٸ - xالىقتى قولجەتٸمدٸ باسپانامەن قامتاماسىز ەتۋ مەسەلەسٸنٸڭ ناقتى نەتيجەسٸ مەن جٷيەنٸڭ تيٸمدٸلٸگٸن كٶرسەتەدٸ", - دەيدٸ تٷقجب اقتٶبە ٶڭٸرٸ بويىنشا ورتالىق فيليالى باسشىسىنىڭ ورىنباسارى راۋان باياش.
بانك قىزمەتكەرلەرٸنٸڭ ايتۋىنشا, قاجەتتٸ شارشى مەترلەردٸڭ يەسٸ بولۋ ٷشٸن تۇرعىن ٷي قۇرىلىس جيناق بانكٸنٸڭ كليەنتٸ اتانىپ, ٶز دەپوزيتٸڭٸزگە باسپانا باعاسىنىڭ كەمٸندە 20% كٶلەمٸندەگٸ اقىسىن جيناپ قويساڭىز جەتكٸلٸكتٸ.
وسىلايشا "نۇرلى جەر" باعدارلاماسى بويىنشا ٷمٸتكەر اتانۋعا بولادى. جىلدىق ستاۆكا مٶلشەرٸ - 5%. مىسالى, 5 280 000 تەڭگە تۇراتىن 44 شارشى مەتر كٶلەمٸندەگٸ بٸر بٶلمەلٸ پەتەردٸڭ يەسٸ اتانۋ ٷشٸن دەپوزيتتە ميلليون تەڭگە شاماسىندا قارجىڭىز بولۋى تيٸس.
ماكسيمالدى مەرزٸمگە بٶلٸپ ەسەپتەسەك, 8 جىل بويى اي سايىنعى تٶلەم 35 728 تەڭگە (5% جىلدىق ستاۆكا) بولسا, ودان كەيٸن 11 جىل بويى 17 087 تەڭگە (3,8%) كٶلەمٸندە تٶلەيسٸز.
