بيىل قۇنى 860 ملن اقش دوللارلىق گاز ٶڭدەۋ زاۋىتىنىڭ قۇرىلىسى باستالادى. بۇل تۋرالى بٷگٸن ٷكٸمەت وتىرىسىندا قر ەنەرگەتيكا مينيسترٸ نۇرلان نوعاەۆ ايتتى, دەپ حابارلايدى قازاقپارات.
«بيىل قاشاعان كەن ورنىنىڭ شيكٸزاتى بازاسىندا قۋاتى 1,150 ملرد تەكشە مەتر شيكٸ گازىن, قۇنى 860 ملن اقش دوللارىن قۇرايتىن گاز ٶڭدەۋ زاۋىتىنىڭ قۇرىلىسىن باستاۋ جوسپارلانىپ وتىر. بولاشاقتا ونى جىلىنا 4-5 ملرد تەكشە مەترگە دەيٸن ودان ەرٸ كەڭەيتۋ قاراستىرىلۋدا», - دەدٸ مينيستر.
ونىڭ اتاپ ٶتۋٸنشە, اتالعان جوبانى ٸسكە اسىرۋ نەتيجەسٸندە – قوسىمشا 800 ملن تەكشە مەتر تاۋارلىق گاز ٶندٸرٸلٸپ, زاۋىت قۇرىلىس كەزەڭٸندە 2 800, پايدالانۋ كەزەڭٸندە 600 ادامعا جاڭا جۇمىس ورىندارى اشىلادى.
«وسى زاۋىت اياسىندا مۇناي-گاز حيمييا ٷشٸن باعالى شيكٸزات سانالاتىن تاۋارلىق جەنە سۇيىتىلعان گازدىڭ قوسىمشا كٶلەمٸ الىنادى. بٷگٸنگٸ تاڭدا جوبالىق-سمەتالىق قۇجاتتاماعا مەملەكەتتٸك ساراپتامانىڭ وڭ قورىتىندىسى الىندى جەنە Engineering Procurement Construction مەردٸگەرٸ انىقتالدى. جۇمىس كٷشٸن جۇمىلدىرۋ, ٸرگەتاس اۋماقتارىن دايىنداۋ جٷرگٸزٸلۋدە. زاۋىتتىڭ قۇرىلىسىن اياقتاۋ 2023 جىلدىڭ سوڭىنا جوسپارلانىپ وتىر», - دەدٸ نۇرلان نوعاەۆ.
