الماتىدا دٷنيە جٷزٸندەگٸ تٷرلٸ كينوفەستيۆالدەردە 50-گە جۋىق جٷلدەمەن ماراپاتتالعان «كٷنباعىس» فيلمٸنٸڭ تۇساۋكەسەرٸ ٶتتٸ. كينوتۋىندىنى قر مەدەنيەت جەنە سپورت مينيسترلٸگٸنٸڭ تاپسىرىسى بويىنشا «قازاقفيلم» كينوستۋديياسى «ستالكەر سينەما» كومپانيياسىمەن بٸرلەسٸپ تٷسٸرگەن, دەپ حابارلايدى قازاقپارات.
«كٷنباعىس» — «ورتا جاس» داعدارىسىنا ۇشىراعان وتباسى تۋرالى دراماعا تولى حيكايا.
ٸشكٸ قايشىلىقتارىمەن ەۋرە بولعان اتا-انانىڭ قاراۋىنسىز قالعان جاسٶسپٸرٸم بالا ٷيدە دە, مەكتەپتە دە «بۋللينگتٸڭ» بارلىق سۇمدىقتارىن باستان كەشٸپ, شەتتەتٸلگەن ادامعا اينالادى.
پانا ٸزدەگەن ەمٸر قۇمار ويىنعا تەۋەلدٸلٸككە ەكەلەتٸن كومپيۋتەر ويىندارى ەلەمٸنە ەنەدٸ...
مەدەني شارا بارىسىندا سٶز سٶيلەگەن فيلمنٸڭ قويۋشى رەجيسسەرٸ ەليا گيلمان تۇساۋكەسەرگە كەلگەن كٶرەرمەنگە العىسىن ايتا وتىرىپ, كارتينانىڭ كينوفەستيۆالدەردەگٸ جەتٸستٸكتەرٸمەن بٶلٸسٸپ, كينوتۋىندىنىڭ تٷسٸرۋ توبىنا جٷلدەلەرٸن تابىستادى.
وسىلايشا رەجيسسەر Istanbul Film Awards جەنە Cannes Film Awards كينوفەستيۆالدەرٸندە ماراپاتتالعان «ٷزدٸك اكتەر» جۇلدەسٸن فيلمدە باستى رٶلدەردٸڭ بٸرٸن سومداعان اكتەر ەركەبۇلان دايىروۆقا تابىستادى.
سونداي-اق باسقا دا جٷلدەلەردٸ فيلمنٸڭ جاس اكتەرٸ راشيد مۋسين, ستسەناريي اۆتورى راسۋل شىبىنتاي, وپەراتور الەكسەي كيريۋحين, قويۋشى سۋرەتشٸ وكسانا ازاماتوۆا, پروديۋسەرلەر گٷلسينا مۋستافينا مەن الەكساندر گيلمان الدى.
ايتا كەتسەك, جالپى العاندا وسى كٷنگە دەيٸن «كٷنباعىس» دراماسى 27 حالىقارالىق كينوفەستيۆالدە تٷرلٸ نوميناتسييالار بويىنشا 47 سىيلىقتى قانجىعاسىنا بايلادى.
فيلمدە باستى رٶلدەردٸ سومداعان رەسەيلٸك اكتەر كيريلل كيارو جەنە سەربييالىق اكتريسا سلوبودا ميچالوۆيچ اتالعان ٸس-شاراعا قاتىسا الماعاندىقتان, بەينە جازبا ارقىلى ەرٸپتەستەرٸن تۇساۋكەسەرمەن قۇتتىقتاپ, سەتتٸلٸك تٸلەدٸ.
كٶرسەتٸلٸمنٸڭ الدىندا رەجيسسەر ەليا گيلمان بۇل فيلمدٸ تٷسٸرۋگە دوستارىنىڭ وتباسىندا ورىن العان قايعىلى جاعدايدىڭ تٷرتكٸ بولعانىن ايتتى.
- دوستارىمىز ۇلدارىنان ايىرىلىپ قالدى. بۇل وقيعا ماعان قاتتى ەسەر ەتٸپ, نەتيجەسٸندە وسى فيلم دٷنيەگە كەلدٸ. بۇل وقيعا – مەنٸڭ بارلىق اتا-انالارعا جولداۋىم, مەن سيياقتى ٶز بالالارىن تەربيەلەپ وتىرعان, بٷكٸل ەلەمدەگٸ انالار مەن ەكەلەر مەنٸ تٷسٸنەدٸ دەپ ٷمٸتتەنەم. جاسٶسپٸرٸم بولۋ, ەرەجەلەر قىسىمىنا قارسى تۇرۋ قيىن. بٸز بالالارىمىزعا جاقىن بولىپ, ولاردى جاقسى كٶرۋ ٷشٸن قولدان كەلگەننٸڭ بەرٸن جاساۋىمىز كەرەك, - دەدٸ رەجيسسەر ەليا گيلمان.
سونداي-اق رەجيسسەر «كٷنباعىس» فيلمٸ كەلەر جىلى سەۋٸر ايىندا پروكاتقا شىعاتىنىن حابارلادى.
